راولپنڈی(خصوصی رپورٹر)ڈپٹی کمشنر راولپنڈی کیپٹن (ر) ندیم ناصر نے نالہ لئی میں ڈمپنگ کی روک تھام کے لئے 24 گھنٹے مانیٹرنگ اور خلاف ورزی پر مقدمات درج کرنے کا حکم دیتے ہوئے واضح کیا ہے کہ ڈمپنگ میں ملوث ڈمپرز اور دیگر گاڑیوں کو قبضے میں لے کر بند کیا جائے اور ذمہ دار افراد کے خلاف ایف آئی آرز درج کی جائیں یہ احکامات انہوں نے گزشتہ روز ڈی سی کمپلیکس میں نالہ لئی سے متعلق اجلاس میں جاری کئے اجلاس میں ایڈیشنل ڈپٹی کمشنر جنرل ملیحہ سحر، ایڈیشنل ڈپٹی کمشنر سوشل سروسز، ایم ڈی واسا، ڈپٹی ڈائریکٹر ڈویلپمنٹ، سیف سٹی اور دیگر متعلقہ محکموں کے افسران نے شرکت کی اجلاس میں نالہ لئی میں ڈمپنگ، تجاوزات اور دیگر متعلقہ امور کا تفصیلی جائزہ لیا گیا ڈپٹی کمشنر نے ہدایت کی کہ نالہ لئی میں ڈمپنگ کرنے والے عناصر کی 24 گھنٹے مانیٹرنگ یقینی بنائی جائے اور خلاف ورزی پر بلاامتیاز قانونی کاروائی کی جائے انہوں نے واضح کیا کہ نالہ لئی میں غیر قانونی ڈمپنگ کسی صورت برداشت نہیں کی جائے گی ڈمپنگ میں ملوث ڈمپرز اور دیگر گاڑیوں کو قبضے میں لے کر بند کیا جائے اور ذمہ دار افراد کے خلاف ایف آئی آرز درج کی جائیں ڈپٹی کمشنر نے ہدایت کی کہ نالہ لئی کی حدود میں جن افراد نے اراضی کا معاوضہ وصول کر لیا ہے، جن کی زمینوں کے انتقال ہو چکے ہیں یا انتقال کا عمل مکمل ہونا باقی ہے وہاں قانونی تقاضے پورے کرتے ہوئے فوری انخلا یقینی بنایا جائے انہوں نے سیف سٹی حکام کو خصوصی ہدایت کی کہ نالہ لئی کے مختلف مقامات کی 24 گھنٹے مثر نگرانی کی جائے اور ڈمپنگ یا کسی بھی غیر قانونی سرگرمی کی اطلاع فوری طور پر متعلقہ حکام کو دی جائے ڈپٹی کمشنر نے کہا کہ نالہ لئی کی صفائی، کشادگی اور اس سے متعلق جاری اقدامات میں کسی قسم کی غفلت یا کوتاہی برداشت نہیں کی جائے گی، جبکہ تمام متعلقہ محکمے باہمی رابطے اور مربوط حکمتِ عملی کے تحت مثر اقدامات یقینی بنائیں۔
