PTIمارچ کے مخر کرنے کے لیے پسِ پردہ رابطہ بانی کی منتقلی سمیت اہم شرائط سامنےآ گئیں

اسلام آباد (عادل عباسی)پاکستان تحریک انصاف کے 27 ستمبر کے ممکنہ مارچ کو مخر کرنے کے حوالے سے پسِ پردہ رابطوں کی اطلاعات سامنے آئی ہیں۔ ذرائع کے مطابق مارچ مخر کرنے کے لیے پارٹی کی جانب سے بعض اہم شرائط پیش کی گئی ہیں، جن پر پیش رفت کی صورت میں احتجاجی مارچ کے مستقبل کے حوالے سے فیصلہ کیا جا سکتا ہے۔ذرائع کے مطابق پی ٹی آئی کی جانب سے مطالبہ کیا گیا ہے کہ عمران خان کی بہنوں سمیت زیرِ حراست دیگر پی ٹی آئی رہنماں کو فوری طور پر رہا کیا جائے۔ پارٹی نے مقف اختیار کیا ہے کہ رہنماں اور کارکنوں کی گرفتاریوں کے معاملے کو حل کیے بغیر مارچ موخر کرنے پر پیش رفت مشکل ہوگی۔ذرائع کا کہنا ہے کہ پی ٹی آئی نے عمران خان کو اسپتال منتقل کرنے سے متعلق سپریم کورٹ کے حکم پر عمل درآمد کو بھی اپنی اہم شرائط میں شامل کیا ہے۔ پارٹی کی جانب سے مطالبہ کیا گیا ہے کہ عمران خان کو طبی معائنے اور علاج کے لیے عدالت کے احکامات کے مطابق اسپتال منتقل کیا جائے۔ذرائع کے مطابق پی ٹی آئی نے یہ بھی شرط عائد کی ہے کہ اگر عمران خان کو شفا انٹرنیشنل اسپتال منتقل کرنا ممکن نہ ہو تو انہیں پاکستان انسٹی ٹیوٹ آف میڈیکل سائنسز منتقل کیا جائے۔ اس کے ساتھ عمران خان کی بہن ڈاکٹر عظمی خان اور ڈاکٹر فیصل سلطان کو بھی تشکیل دیے جانے والے میڈیکل بورڈ میں شامل کرنے کا مطالبہ کیا گیا ہے۔ذرائع کے مطابق پسِ پردہ رابطوں میں ان مطالبات پر بات چیت جاری ہے تاہم تاحال کوئی حتمی اتفاقِ رائے سامنے نہیں آیا۔ پی ٹی آئی کی جانب سے مطالبات پر پیش رفت کو 27 ستمبر کے مارچ کے حوالے سے آئندہ کے لائحہ عمل سے جوڑا جا رہا ہے۔