پنجاب حکومت کا پنشنرز کے مسائل ترجیحی بنیادوں پر حل کرنے کا فیصلہ

لاہور (این این آئی )ایڈیشنل چیف سیکرٹری باقی صفحہ6بقیہ نمبر 20 پنجاب افتخار علی سہو سے پنجاب گورنمنٹ پنشنرز ایسوسی ایشن کے نمائندوں نے ملاقات کی، جس میں پنشنرز کے چارٹر آف ڈیمانڈز اور درپیش مسائل کے حل کے لیے مختلف تجاویز پر تفصیلی غور کیا گیا۔ایڈیشنل چیف سیکریٹری پنجاب نے متعلقہ محکموں کو پنشنرز کے مسائل کے حل کے لیے ضروری ہدایات جاری کیں ۔ انہوں نے پنجاب گورنمنٹ سرونٹس ہائوسنگ فائونڈیشن کے معاملات پر ایم ڈی ہائوسنگ سے تفصیلی بریفنگ طلب کر لی ۔ اس کے ساتھ انہوں نے گروپ انشورنس کے معاملے پر بھی قانونی پہلوئوں اور ممکنہ حل سے متعلق بریفنگ طلب کی ۔ انہوں نے پنشنرز کو تجہیز و تکفین گرانٹ دینے کا معاملہ پنجاب بینوولنٹ فنڈ بورڈ میں پیش کرنے کی ہدایت کی ۔ چیف سیکریٹری سہولت سینٹر کے ذریعے سرکاری ملازمین اور پنشنرز کو پاسپورٹ، نادرا اور ایکسائز کے شعبوں میں معاونت فراہم کرنے پر اتفاق کیا گیا ۔