پنجاب سیف سٹیز اتھارٹی کے ورچوئل سنٹر فار چائلڈ سیفٹی کی ایک اور بڑی کامیابی

لاہور (کرائم رپورٹر) پنجاب سیف سٹیز اتھارٹی کے ورچوئل سنٹر فار چائلڈ سیفٹی کی ایک اور بڑی کامیابی،10سال سے لاپتہ قوتِ سماعت و گویائی سے محروم عبدالقدیر کے اہلِ خانہ کا سراغ لگا لیا۔ ترجمان سیف سٹیز کے مطابق سیف سٹی ”میرا پیارا” نے جدید فیشل ریکگنیشن ٹیکنالوجی سے 10سال پرانا گمشدگی کا کیس حل کیا۔ عبدالقدیر
A2016ء میں اہلِخانہ کے ہمراہ کراچی آیا جہاں کورنگی کے علاقے سے لاپتہ ہوگیا۔ گمشدگی کے وقت 13 سالہ عبدالقدیر سماعت و گویائی سے محروم ہونے کے باعث گھر کا پتہ بتانے سے قاصر تھا۔ 2019 ء میں عبدالقدیر خیبر پختونخوا کے ضلع لکی مروت میں ایک مقامی خاندان کو ملا، جس نے اس کی دیکھ بھال کی۔ مقامی خاندان نے عبدالقدیر کے اہلِ خانہ کی تلاش کے لئے سیف سٹی ”میرا پیارا” ٹیم سے رابطہ کیا۔ سیف سٹی ٹیم نے عبدالقدیر کی تصاویر اور معلومات ”میرا پیارا”سسٹم میں درج کرکے تلاش شروع کی، فیشل ریکگنیشن سسٹم نے عبدالقدیر کی تصویر کا پرانے گمشدگی ریکارڈ سے مماثلت پر الرٹ جاری کر دیا۔