بند روڈ پر گھر میں آتشزدگی سے کمسن بچہ جاں بحق، ایک بچہ ہسپتال منتقل

لاہور( این این آئی)بند روڈ کے علاقے میں واقع گھر میں آتشزدگی کے نتیجے میں کمسن بچہ دم گھٹنے
سے جاں بحق جبکہ 9سالہ بچے کو ہسپتال منتقل کر دیا گیا۔ریسکیو حکام کے مطابق گھر کی بالائی منزل کے کمرے میں رکھے کپڑوں میں اچانک آگ بھڑک اٹھی۔ آتشزدگی کے باعث گھر میں دھواں بھر گیا جس سے کمسن بچہ پارس دم گھٹنے کے باعث جان کی بازی ہار گیا، جبکہ 9 سالہ اسکل کو طبی امداد کے لیے ہسپتال منتقل کر دیا گیا۔اطلاع ملنے پر ریسکیو ٹیمیں موقع پر پہنچ گئیں اور آگ بجھانے کے لیے آپریشن شروع کیا۔ ریسکیو کی 7 گاڑیوں نے کارروائی میں حصہ لیتے ہوئے آگ پر قابو پالیا۔