پولیس اہلکاروں کے اہلخانہ کیلئے خوشخبری

لاہور (خصوصی رپورٹ) پولیس آرڈر 2002ءکے تحت اہلکاروں کے اہل خانہ کی بھرتیوں کا معاملہ‘ نیا قانون منظور کرلیا گیا‘ منظور کردہ قوانین کو بھرتی برائے فیملی کلیم رولز 2016ءکا نام دیا گیا ہے۔ ذرائع کے مطابق پولیس آرڈر 2002ءکے تحت اہلکاروں کے اہل خانہ کی بھرتیوں کے حوالے سے قانون میں ترمیم کرتے ہوئے نیا قانون تیار کرلیا گیاہے جسے بھرتی برائے فیملی کلیم رولز 2016ءکا نام دیا گیا ہے۔ پولیس افسر کے اہل خانہ کا کوئی ایک فرد درخواست دے سکتا ہے۔ اہل خانہ کو کوئی فرد بنیادی سکیل ایک سے چار پر درخواست دے سکتا ہے۔ دوران سروس فوت ہونے والے اہلکار کے اہل خانہ کا کوئی فرد بنیادی سکیل ایک سے چار پر درخواست دے سکتا ہے۔ کانسٹیبل سکیل 7یا جونیئر کلرک سکیل 14 کے لئے بھی درخواست دی جاسکتی ہے۔ بھرتی کیلئے تمام درخواستیں ہر سال موصول کی جائیں گی۔ معاملہ بھرتی کے لئے تمام درخواستیں ہر سال وصول کی جائیں گی۔ معذور اہلکار کے اہل خانہ کی اسامی کی اہلیت پر پورا اترنا لازم ہے۔ آئندہ سروس میں معذور افراد کے اہل خانہ بھی درخواست دے سکتے ہیں۔ دوران سروس فوت ہونے والے اہلکار کے اہل خانہ بھی درخواست دے سکتے ہیں۔