سنی لیون کی جانب سے اہم فلمی شخصیت کو خراج تحسین پیش کرنے کا انوکھا اقدام

ممبئی (خصوصی رپورٹ) بالی ووڈ کی بے باک اداکارہ سنی لیون ان دنوں فلم میں آئٹم سانگ میں نظر آتی ہیں تاہم اسی طرح وہ اپنی آئندہ فلم میں اپنے رقص کے ذریعے بھارت کی لیجنڈ اداکارہ ریکھا کو خراج تحسین پیش کریں گی۔ بھارتی ذرائع ابلاغ کے مطابق اداکارہ سنی لیون نئی مراٹھی فلم ”بوائز“ میں کام کر رہی ہیں جس کے گانے ”کتھے کتھے جائیچا“ میں انہوں نے ریکھا جیسی ساڑھی پہنی اور رقص کر کے انہیں خراج تحسین پیش کیا ہے، جبکہ فلم کے بارے میں کہا جا رہا ہے کہ یہ ایسے نوجوانوں پر مشتمل ہے جو اپنے گھروں سے دور ہوسٹل میں رہتے ہیں۔ بھارتی میڈیا کے مطابق فلم 8ستمبر کو ریلیز کی جائے گی۔