ابو ظہبی (نیوزایجنسیاں)پاکستان اور سری لنکا کے مابین 3ٹی ٹوئنٹی میچز کی سیریز کا پہلا میچ (آج)جمعرات کو ابوظہبی میں کھیلا جائے گا۔ میچ پاکستانی وقت کے مطابق رات 9 بجے شروع ہو گا ۔قومی کپتان سرفراز احمد ون ڈے کی طرح ٹی ٹوئنٹی سیریز میں سری لنکا کو کلین سوئپ شکست دینے کیلئے پر عزم ہیں،سیریز کا تیسرا اور آخری معرکہ زندہ دلان کے شہر لاہور میں سجے گا۔دونوں ٹیموں کے مابین ابھی تک کھیلے گئے مختصر فارمیٹ کے میچز میں پاکستان کو واضح برتری حاصل ہے اور پاکستان نے15میں سے10ٹی ٹوئنٹی میچز میں فتح حاصل کی ہے۔تفصیلات کے مطابق پاکستان اور سری لنکا کے مابین پہلا ٹی ٹوئنٹی میچ(آج) شیخ زید کر کٹ سٹیڈیم میں کھیلا جائے گا۔میچ پاکستانی وقت کے مطابق رات 9 بجے شروع ہو گا ،قومی کپتان سرفراز احمد کا کہنا ہے کہ ون ڈے کی شاندار کارکردگی کا سلسلہ ٹی ٹوئنٹی میں بھی جاری رکھیں گئے۔باﺅلرزنے ون ڈے سیریزمیں عمدہ پرفارمنس کامظاہرہ کیا۔نوجوان کھلاڑیوں کی کارکردگی دیکھ کرخوشی ہوئی۔قومی فاسٹ باﺅلرمحمدعامرکی ٹیم میں واپسی سے سکواڈمضبوط ہوگا۔کھلاڑی ٹی 20سیریزمیں بھی جیت کاتسلسل برقراررکھیں گے۔جبکہ لنکن کپتان تشارانے کہا ہے کہ ون ڈے سیریزمیں ٹیم کی پرفارمنس انتہائی ناقص رہی۔ٹی20سیریزمیں نئے پلان کیساتھ میدان میں اتریں گے۔شارٹ فارمیٹ میں پاکستانی انتہائی خطرناک ٹیم ہے۔بھرپورمقابلے کےلئے تیارہیں۔دوسری جانب دونوں ٹیموں کے مابین ابھی تک کھیلے گئے مختصر فارمیٹ کے میچز میں پاکستان کو واضح برتری حاصل ہے،دونوں ٹیموں کے مابین ابھی تک مختصر فارمیٹ کے15میچز کھیلے گئے جن میں پاکستان نے10 اور سری لنکا نے5میں فتح حاصل کی۔اسی طرح یو اے ای میں دونوں ٹیموں کے مابین ابھی تک3ٹی ٹوئنٹی میچز کھیلے جا چکے ہیں جن میں2میں فتح گرین شرٹس جبکہ ایک سری لنکا نے جیتا۔دوسری جانب قومی کپتان سرفراز احمد کا کہنا ہے کہ ون ڈے کی شاندار کارکردگی کا سلسلہ ٹی ٹوئنٹی میں بھی جاری رکھیں گئے۔ پاکستان اور سری لنکا کے درمیان ابوظہبی میںدوسرا ٹی ٹوئنٹی میچ (کل) جمعہ کو کھیلا جائے گا۔ سیریز کے تیسرے اور آخری میچ کے لیے دونوں ٹیمیں لاہور پہنچیں گی۔ زندہ دلان کا شہر اور قذافی اسٹیڈیم کا میدان دلہن کی طرح سجے گا اور مہمان لنکن کو ویلکم کرے گا۔دوہزار نو کے بعد آئی لینڈرز کا یہ پہلا دورہ پاکستان ہے، جسے خوش آئند قرار دیا جا رہا ہے۔
پاک لنکا پہلا ٹی 20 مقابلہ آج سرفراز فاتحانہ آغازاکیلئے پر امید
