زندگی فانی آخرت ہمیشہ کیلئے ہے، مسلمانوں تیاری کرو : مولانا اسمعیل

رائےونڈ (نامہ نگار) اللہ نے دعوت و تبلیغ کا پیغام نبی اکرم کے ذریعے پوری امت تک پہنچایا ،یہ پیغام تمام زمانوں کیلئے تھا ،اس پیغام کو آنے والی نسلوں تک پہنچانا اب امت محمدی کی اولین ذمہ داری ہے، اس پیغام کو مان کر اللہ کو راضی کرکے جنت حاصل کرلیں یا نہ مان کر اللہ کی ناراضگی کے نتیجہ میں ہمیشہ ہمیشہ کیلئے جہنم خرید لیں ، یہ صرف ہم پر منحصر ہے اور یہ اجتماع اس پیغام کو سمجھنے اور سمجھانے کی تربیت گاہ ہے ،یہاں کسی کا کوئی فرقہ نہیں، کوئی تنقید نہیں کی جاتی ،صرف اللہ اور اس کے رسول کی بات کی جاتی ہے ، کہ یہ دنیا موت کی تیاری کی جگہ ہے ،انسان جو کچھ بھی کرے صرف یہ سوچ ذہن میں رکھ لے کہ وہ آخرت کی تیاری کررہا ہے تو انسان کے سارے مسائل اللہ خود بخود ہی ختم کردے گا ۔ سالانہ عالمی تبلیغی اجتماع کے پہلے مر حلے کے دوسرے روز پنڈال میں 5لاکھ کے قریب فرزندان اسلام کو مولانا محمد اسماعیل نے اپنے بیان میں کہا کہ حضو راقدس نے قسم کھا کر فرمایا کہ تم امت مسلماں امر بالمعروف اورنہی عن المنکر کرتے رہو ،قبر میں جب منکر نکیر سوال کریں گے تو کیا جواب دے گا، تبلیغی مرکز میںمنکر نکیر کے سوالوں کا جواب دینے کی تعلیم پر ہی سارا دارومدار ہے، یہ دنیا فانی ہے اور یہ چند دنوں کی ہے آخرت کی زندگی ہمیشہ ہمیشہ کے لیے ہے، ظالموں کو ظلم سے روکتے رہو اور حق بات کی طرف کھینچ کرلاتے رہو، تمہارے قلوب بھی اسی طرح غلط کردیئے جائیں گے جس طرح ان ظالموں کے کردیئے گئے ہیں ،تم بہترین امت ہو، لوگوں کے نفع رسانی کے لیے نکالے گئے ہو،تم لوگ نیک کام کا حکم کرتے رہو اور برے کاموں سے روکتے رہواوراللہ تعالی پر ایمان رکھتے رہو، تبلیغی مرکز پاکستان کے علاوہ دنیا بھرمیں سب سے بڑی دین سیکھنے اورسکھانے کی درسگاہ ہے ،مسلمان بھائیوزندگی فانی ہے، اس پر ایک سیکنڈکا بھی بھروسہ نہیں ہے، دین سیکھنے میں پہل کرنے والوںکے لیے اللہ تعالیٰ نے جنت کی بشارت دی ہے ،شہر، قصبوں، گاو¿ں گاو¿ں اور گلی ،محلوں میں پھیل جاو¿ اور چھوٹوں سے لے کر بڑوں تک دین سیکھنے اور سکھانے کی دعوت دے کر انکو دین پھیلانے سیکھانے کے عمل میں شامل کرکے اللہ تعالیٰ کے دربار میں بلند ی کے مراتب حاصل کرنے والے بن جاو¿ ،سالانہ اجتماع میں واپس لوٹنے پر ان کو اپنی اور اپنے مسلمان بھائیوں کی طرف سے مبارک باد پیش کرتے ہیں اوروہ لوگ قابل احترام ہیں جوا للہ تعالیٰ کے حکم کو گلی محلوں دور دراز کے علاقوں میں مشکلات سے گذر کر کاروبار مال اہل وعیال کو چھوڑ کر دینی فریضہ انجام دینے والے اللہ تعالیٰ کے دربار میں انکے بلند درجات ہیںمسلمانوں آو¿ سب ملکر عہد کریں کہ اس نیک مشن کو پورا کرنے کے لیے چار،دس، چالیس، نوے اورایک سوبیس دنوں کا چلہ لگانے کے لیے اپنے آپکو پیش کرتاہوں تاکہ کل رب العزت کے دربار میں یہ کہہ سکوں کہ میں نے ساری زندگی گناہ اور غفلت میں گذاردی لیکن تیری راہ پر تیرے مقرب حضرات کی تقلید کرتے ہوئے میں نے بھی دین سیکھنے اور سکھانے کی کوشش کی تھی دنیا سے منہ موڑ کر خالص تیری رضا کے لیے وقت صرف کیا تھا ،تبلیغی پنڈال میں دوسرے روز بھی فضا میں سموگ کی تہہ چھائی رہی ،محکمہ صحت نے کیمپ لگایا ہوا ہے لیکن زیادہ رش تبلیغی پنڈال میں موجود اجتماعی کیمپ میں تھا ،پولیس سکیورٹی کے فرائض انجام دے رہی ہے ،آنے جانے والوں کی چیکنگ کیلئے واک تھرو گیٹ لگائے گئے ہیں ،غلط پارکنگ کرنے والی گاڑیوں کو لفٹر اٹھاتے رہے ،صفائی کے بہترین انتظامات کئے گئے ہیں ،کہیں بھی گرد اڑتی دکھائی نہیں دی ،ٹریفک کا عملہ بھی ہمہ وقت چوکس نظر آتا ہے ،پنڈال میں نماز جمعہ مولانا محمد اسماعیل نے پڑھایا ،جس کے دوران شرکاءبیٹھ کر لیٹ کر کھاتے پیتے اور چلتے پھرتے بیان سنتے رہے ،پنڈال میں چاروں اوٹ سپیکرز لگائے گئے ہیں ،آج ہفتہ کے دن نماز ظہر کے بعد تبلیغی جماعت کے فیورٹ عالم دین مولانا طارق جمیل کا خصوصی بیان ہوگا،قافلوں کی شرکت کا سلسلہ تاحال جاری ہے۔