کوٹ ادو (خصوصی رپورٹ) خاوند کو نشہ آور چائے پلا کر تین بچوں کی ماں آشنا کے ساتھ فرار، لاکھوں کی نقدی زیورات بھی ساتھ لے گئی۔ تفصیل مکے مطابق چک نمبر 568 ٹی ڈی اے میں پتل منڈا کے رہائشی ناصر عالم جس کی شادی چک نمبر 630 ٹی ڈی اے کے ریاض کی بیٹی نوشابہ سے چھ سال قبل ہوئی تھی جس سے اس کے تین بچے تھے۔ ناصر عالم رقبہ سے رات کے وقت گھر آیا تو بیوی نوشابہ نے اسے چائے بنا کر دی جس میں اسے نشہ آور چیز ملا دی، چائے پیتے ہی ناصر عالم بے ہوش ہوگیا، اسی اثنا میں نوشابہ گھر سے سامان سمیٹتے ہوئے پانچ لاکھ روپے سے زائد کی رقم اور سات تولے زیورات اٹھا کر بچوں سمیت نامعلوم آشنا کے ساتھ فرار ہوگئی، پولیس چوک سرور شہید نے مقدمہ درج کرلیا ہے۔
