لندن (شوبز ڈیسک)پاکستانی نژاد برطانوی گلوکار زین ملک کو پوری دنیا فالو کرتی ہے۔ پوری دنیا میں مانے جانیوالی راک بینڈ ون ڈائریکشن کے سابق گلوکار کو حال ہی میں بھارتی میگزین ایلی کے کاور پر بھی دیکھا گیا۔جوان گلوکار نے پہلی بار بالی وڈ کے بارے میں اپنی رائے پیش کی اور دلچسپ بات یہ ہے کہ وہ بالی وڈ کے معروف کنگ خان کے مداحوں میں سے ایک نکلے۔غیرملکی میڈیا کے مطابق زین ملک نے اپنی گرل فرینڈ سپر ماڈل ” گیگی حدید“ کوشاہ رخ خان کی معروف فلم’دیوداس’ دیکھنے کا کہا۔زین کا کہنا ہے کہ انہیں بھارتی ڈش کھانا بیحد پسند ہے ، اور ان کی والدہ کافی اچھی انڈین ڈش بناتی ہیں۔ اس کے علاوہ زین شاہ رخ خان کو پسند کرتے ہیں۔
اور اسی وجہ سے انہوں نے گیگی کوفلم دیوداس بھی دکھائی۔