پشاور (نیٹ نیوز) وزیر اعلیٰ ہاو¿س پشاور میں صوبائی حکومت اور چینی ہائیڈرو کمپنی کے درمیان بجلی کے مںصوبوں پر معاہدے کی یاداشت پر دستخط کی تقریب منعقد ہوئی جس میں چینی کمپنی اور محکمہ توانائی کے سیکرٹری نے بجلی کے دو منصوبوں کی یاداشت پر دستحط کئے۔ وزیر اعلیٰ نے پریس کانفرنس میں بتایا کہ چین کے ساتھ 610 میگا واٹ بجلی پیدا کرنے کے معاہدے کئے ہیں جو سی پیک کا حصہ ہیں۔وزیر اعلیٰ پرویز خٹک کا کہنا تھا کہ واپڈا اور وفاق لوڈ شیڈنگ ختم کرنے میں سنجیدہ نہیں ہے، صوبائی حکومت لوڈ شیڈنگ کے خلاف عدالت جا رہی ہے۔ وزیر اعلیٰ کا کہنا تھا کہ ہم میگا پراجیکٹس کے خلاف نہیں ہیں لیکن ان منصوبوں میں شفافیت ہونی چاہئے۔ انہوں نے بتایا کہ ہمارا ریپڈ بس مںصوبہ پنجاب سے مختلف ہے۔