لاہور(شوبزڈیسک)پاکستانی فلم انڈسٹری کے نامور گلو کار مسعود رانا کی21ویں برسی آج منائی جائے گی۔ مسعود رانا 9جون 1938ءکو میر پور خاص سندھ میں پیدا ہوئے ۔ انہوںنے اپنی فنی زندگی کا آغازپچاس کی دہائی میںریڈیو پاکستان سے کیا۔مسعودرانا نے اداکاری کے جوہر بھی دکھائے اور دوفلموں دو مٹیاراں او رشاہی فقیر میں ہیرو کے کردار نبھائے لیکن انہیں کامیابی نہ مل سکی۔ اس ناکامی کے بعد انہوں نے اپنی توجہ گائیکی کی طرف مرکوزکرلی۔ فلم” انقلاب “کےلئے ان کا پہلا گانا 1962ءمیں ریکارڈ کیا گیا ۔انہیں پاکستانی رفیع ہونے کا اعزاز بھی دیا گیا ۔ مسعود رانا 4اکتوبر 1995ءکو عارضہ قلب میں مبتلا ہونے کے باعث اپنے مالک حقیقی سے جا ملے۔ مسعود رانا مرحوم نے ےوں تو سینکڑوں انتہائی خوبصورت اور دل کے تار چھیڑ دینے والے سدا بہار نغمے گائے لیکن ان کے ٹاپ ٹین اردو گانوں میں فلم آئینہ کا گانا تم ہی ہو محبوب میرے میں کیوں نہ تمہیں پیار کروں ، فلم ہمراہی کا گانا کرم کی اک نظر ہم پر خدارا ےا رسول اللہ ، فلم بدنام کا گانا کوئی ساتھ دے کہ نہ ساتھ دے ےہ سفر اکیلے ہی کاٹ لے، فلم چاند اور چاندنی کا گانا تیری ےاد آ گئی غم خوشی میں ڈھل گئے ، فلم دل میرادھڑکن تیری کا گانا جھوم اے دل وہ میرا جان بہار آئے گا، فلم نازنین کا گانا میرا خیال ہو تم میری آرزو تم ہو،فلم نیند ہماری خواب تمہارے کا گانا میرامحبوب آگیا من میرا لہرا گیا ، فلم آنسو کا گانا تیرے بنا ےوں گھڑیاں بیتیں جیسے صدیاں بیت گئیں، فلم بہارو پھول برساﺅ کا گانا” میرے دل کی ہے آواز کہ بچھڑا ےار ملے گا“اور فلم دل لگی کا گانا” آ گ لگا کر چھپنے والے سن میرا افسانہ“ شامل ہیں ۔ اسی طرح انہوںنے پنجابی میں”تانگے والا خیر منگدا ، سجناں نے بوہے اگے چک تان لئی ، ےاراں نال بہاراں سجناں ، سوچ کے ےار بناویں بندیا ، تیرے ہتھ کی بے درد ے آیا پھلاں جیا دل توڑ کے، دل دیاں لگیاں جانے نہ، ےا اپنا کسے نوں کر لے ےا آپ کسے دا ہوبیلیا، تیرے مد بھرے نین مل پین تے چندرا شراب چھڈ دے، سجنوں اے نگری داتا دی ایتھے آند اکل زمانہ اور ےار منگیا سی ربا تیتھوں رو کے کیہڑی میں خدائی منگ لئی “گا کر خود کو ہمیشہ ہمیشہ کےلئے امر کر لیا ۔ مسعود رانا کی برسی کے موقع پر الیکٹرانک میڈیا خصوصی پروگرامات نشرکرے گا جبکہ پرنٹ میڈیا بھی ان کی خدمات کو خراج عقید ت پیش کرنے کیلئے خصوصی مضامین کی اشاعت کا اہتمام کرے گا۔