اسلام آباد : نجی ٹی وی چینل پر اپنے پروگرام میں بات کرتے ہوئے ڈاکٹر شاہد مسعود نے کہا کہ نواز شریف ہمیشہ کے لیے ملک سے فرار ہو چکے ہیں ۔ ان کا کہنا تھا کہ نواز شریف اب وطن واپس نہیں آ رہے۔ وہ اپنا پروگرام تبدیل کر سکتے ہیں لیکن وہ واپس نہیں آ رہے اور لندن سے امریکہ جا رہے ہیں ۔ لندن سے امریکہ جانے پر ان کے ہمراہ ان کی اہلیہ بیگم کلثوم نواز ہوں گی اور امریکہ میں ان کا علاج بھی ہو گا۔انہوں نے بتایا کہ میاں نواز شریف کا ذہن یہ ہے کہ وہ ان دنوں میں امریکہ جائیں جب شاہد خاقان عباسی امریکہ ہوں اور وہ اقوام متحدہ کے جنرل اسمبلی کے سیشن میں شرکت کریں تاکہ وہاں لابنگ فورم کے ذریعے نواز شریف عالمی لیڈرز سے ملاقات کرسکیں ۔ ڈاکٹر شاہد مسعود کا کہنا تھا کہ شاہد خاقان عباسی بھی نواز شریف کے ہاتھوں مجبور ہیں ۔
