ڈمپل گرل ”دیپکا“نے بڑا اعزاز اپنے نام کر لیا

ممبئی(نیوز ڈیسک )بالی ووڈ میں ڈمپل گرل کے نام سے مشہوراداکارہ دپیکا پڈوکون نے نہ صرف اپنی کامیابی کا جھنڈا بالی ووڈ میں گاڑا ہے بلکہ ہالی ووڈ میں بھی انہوں نے قلیل عرصے میں خوب کامیابی سمیٹی ہے اور اب اداکارہ سماجی رابطے کی ویب سائٹ ٹوئٹر پر ایشیا میں سب سے زیادہ فالو کی جانے والی اداکارہ بن چکی ہیں۔بھارتی میڈیا رپورٹس کے مطابق بالی ووڈ اورہالی ووڈ میں بہترین اداکاری کے بعد بالی ووڈ اداکارہ نے سب سے زیادہ کمانے والی اداکاراو¿ں میں تو جگہ بنا ہی لی تھی لیکن اب وہ ایک قدم اور آگے بڑھتے ہوئے دیپیکا سماجی رابطے کی ویب سائٹ ٹوئٹر پر ایشیا کی سب سے زیادہ فالو ہونے والی اداکارہ بھی بن گئیں۔دپیکا پڈوکون کے ٹوئٹرپرفالوورزکی تعداد 16 ملین (ایک کروڑ 60 لاکھ) سے زائد ہے جب کہ اداکارہ نے یہ اعزاز انڈونیشیا کی گلوکارہ ”ایگنیزمو” کو چھینا ہے۔واضح رہے کہ ہدایت کار سنجے لیلا بھنسالی نے اپنی فیورٹ اداکارہ دپیکا پڈوکون کو فلم ”پدماوتی” کے لیے 13 کروڑ کا چیک بھی دے دیا ہے جس کے بعد وہ بالی ووڈ میں بھی سب سے زیادہ کمائی کر نے والی اداکارہ بن چکی ہیں۔