باکسر عامر خان نے چپ توڑ ڈالی …. بیوی کا ایک اور جملہ اور باکسر کا صبر کا پیمانہ لبریز

لندن(ویب ڈیسک )پاکستانی نڑاد برطانوی باکسر عامر خان کی اہلیہ فریال مخدوم کی سسرال سے تلخی گھر سے نکل کر دنیا بھر کے میڈیا کی زینت بن چکی ہے اور اس میں آئے روز نئے نئے انکشافات ہورہے ہیں، فریال مخدوم نے جسمانی تشدد کا نشانہ بنائے جانے کا دعویٰ کیاتو سسرال والوں نے بھی پہناوے پر اعتراض کا انکشاف کیا جس کے بعد فریال نے جواب دیتے ہوئے کچھ تصاویر سوشل میڈیا پر جاری کردیں ، اب برطانوی میڈیا نے دعویٰ کیاکہ فریال مخدوم کے ایک جملے نے عامر خان کو طیش دلادی اوران کا صبر جواب دے گیا جس پر فریال اور والدین کو بچگانہ رویہ ترک کرنے کی ہدایت کردی۔ذرائع کے مطابق سنیپ چیٹ پر فریال مخدوم نے لکھاکہ ’ بیوی کون ہے ، ایک غلام ! ‘ اس جملے نے عامر خان کو غصہ دلادیا اور معاملا ت میں مداخلت کرتے ہوئے عامر خان نے اپنی اہلیہ اور اپنے والدین کو ’حکم‘ دیاکہ عوامی ، بچگانہ جھگڑے کو ختم کیاجائے۔کاروباری دورے پر کینیڈا میں موجود25سالہ فریال مخدوم نے سنیپ چیٹ کا سہارا لیا اور فلک خان پر الزام لگایاکہ وہ بیٹے کو طلاق دینے کیلئے اکساتی ہیں،آپ کو ان کی بات سننی چاہیے کیونکہ وہ آپ کی والدہ ہیں اور پہلا نمبران کا ہے ، توپھر ایک بیوی کی حیثیت کیاہے؟ واقعی جو میں نے کہاہے ، ایک غلام ! ا±نہوں نے عامر خان کو مخاطب کرتے ہوئے کہاکہ ’آپ کی والدہ چاہتی ہیں کہ غلام بن کر رہوںیا پھر آپ اپنی اہلیہ کو طلاق دے دیں‘۔فریال مخدوم کے اس جملے کے بعد عامر خان نے اپنے ایک ٹوئیٹ میں کہاکہ ’ فریال اور فیملی کو لڑائی جھگڑا ختم کرنے کی ہدایت کرتے ہوئے خبردار کیا کہ وہ ایک بیٹا اور خاوند سے ہاتھ دھوبیٹھیں گے ، فریقین کو یہ سب کچھ ترک کرناچاہیے ‘۔یادرہے کہ فریال مخدوم کے حالیہ بیانات ان انکشافات کے بعد سامنے آئے ہیں جس میں ا±نہوں نے سسرال کی طرف سے نفسیاتی اور جسمانی تشدد کی خبربریک کی تھی۔ اس کے بعد ماڈلنگ کا شعبہ اپنانے والی فریال مخدوم نے اپنے مداحوں سے معذرت کرلی تاہم عامر خان کی فیملی سے معذرت نہیں کی۔