مظفر آباد، اسلام آباد (بیورورپورٹ، نامہ نگار خصوصی) وزیراعظم نواز شریف نے کہا ہے کہ ہم آج بھی میثاق جمہوریت پر اربند ہیں لیکن اگرکوئی میں نہ مانوں کی پالیسی پر چلے تو ہم کچھ نہیں کرسکتے۔مظفر آباد میں آزاد کشمیر کونسل سے خطاب کے دوران وزیر اعظم نے کہا کہ ہم تمام جماعتوں کو ساتھ لے کر چلنا چاہتے ہیں، جمہوریت کا مطلب دوسروں کو برداشت کرنا ہے لہذا ہمیں مثبت تنقید کوبرداشت کرنا ہوگا کیونکہ برداشت کے بغیر گھر اورخاندان بھی نہیں چل سکتا۔ وزیر اعظم نے کہا کہ ہم آج بھی میثاق جمہوریت پر کاربند ہیں لیکن اگر کوئی میں نہ مانوں کی پالیسی پر چلے تو ہم کچھ نہیں کرسکتے، اپنی مسجد بنانےوالوں اور میں نہ مانوں کہنے والوں کا کسی کے پاس علاج نہیں،وزیراعظم نے کہا کہ سی پیک ملک کی ترقی کے لیے مثالی منصوبہ ہے، جتنے ترقیاتی منصوبے ہم نے شروع کیے ان کی پاکستان کی تاریخ میں مثال نہیں ملتی کیونکہ ہم ہر طبقے کی خدمت کرتے ہیں جبکہ عوام اپنے ادھورے خوابوں کی تعبیر چاہتے ہیں، عوام کی امیدوں پر پورا اترنے کیلئے سخت محنت کرنا ہوگی، وزیر اعظم نے چارٹر آف ڈیمو کریسی کے حوالے سے بھی بات کی اور کہا کہ اللہ کا شکر ہے ان کی حکومت اس ایجنڈے پر عمل پیرا ہے۔ سی پیک مثالی ترقی کا منصوبہ ہے، جس پر کئی سیکٹرز پر کام کر رہے ہیں، یہاں لوگ بھی توانائی کے شعبے میں سرمایہ کاری کر سکتے ہیں ،آزاد کشمیر کے عوام نے مسلم لیگ ن کو بڑا مینڈیٹ دیا ہے، اتنا مینڈیٹ کسی قسمت والی جماعت کو ہی ملتا ہے،، حکومت عوام کی امنگوں پر پورا اترنے کی کوشش کرے گی، اگر ترقیاتی کام ہوئے تو عوام مطمئن ہو جائیں گے۔ انہوں نے کہا کہ عوام اپنے ادھورے خوابوں کی تعبیر چاہتے ہیں، وسائل کی کمی ہر جگہ ہوتی ہے لیکن ہم وسائل کی کمی کے باوجود عوام کے مسائل حل کر رہے ہیں اور عوام کے اعتماد پر پورا اترنے کی کوشش کر رہے ہیں ، سی پیک ملک کی ترقی کیلئے مثالی منصوبہ ہے،ملک بھر میں سڑکوں اور موٹرویز کا جال بچھایا جارہا ہے، موجودہ دور میں پاکستان میں جس طرح سرمایہ کاری ہورہی ہے اسکی مثال نہیں ملتی۔ وزیر اعظم نے مزید کہا کہ آزاد کشمیر میں ہمارے دریا بہہ رہے ہیں اور آزاد کشمیر میں بجلی منصوبے لگانے کے وسیع مواقع موجود ہیں، ہم ان مواقعو ں سے بھر پور فائدہ اٹھانا چاہتے ہیں۔ نواز شریف نے اپنی حکومت کے اہداف کو دفاع کرتے ہوئے کہا کہ ہم کامیابی سے آگے بڑھ رہے ہیں، 2018 تک ملک سے بجلی کی لوڈ شیڈنگ کا خاتمہ ہو جائے گا جبکہ پاکستان ترقی کرے گا،پڑوسی ملک کے تعاون سے بننے والے منصوبے پاک چین اقتصادی راہداری کا تذکرہ کرتے ہوئے ان کا کہنا تھا کہ سی پیک ملک کی ترقی کے لیے مثالی منصوبہ ہے، ایسے منصوبے کی ماضی میں کوئی مثال نہیں ملتی، کشمیر بھی اس منصوبے کا باقاعدہ حصہ بننے والا ہے۔اس سے قبل وزیراعظم نوازشریف مختصر دورے پر مظفر آباد پہنچے جہاں انہوں نے آزاد جموں و کشمیر کونسل کے بجٹ اجلاس کی صدارت کی۔ اجلاس میں وفاقی وزرائ اسحاق ڈار، برجیس طاہر، خرم دستگیر سمیت طارق فضل چوہدری ،سردار مہتاب احمد خان، پرویز رشید اور آصف کرمانی نے بھی شرکت کی۔وزیراعظم نواز شریف کو ریلی کی صورت میں نجی ہوٹل لے جایا گیا ، وزیراعظم نے آزاد جموں و کشمیر کونسل کے 53ویں بجٹاجلاس میں شرکت کی، بجٹ اجلاس کے دوران مقبوضہ کشمیر میں شہداءکے لیے فاتحہ خوانی کی گئی جبکہ 2 نئے ممبران عبدالخالق وصی اور چوہدری محمد صدیق نے حلف اٹھایا، دونوں ارکان سے وزیراعظم نواز شریف نے حلف لیا۔ وزیراعظم محمد نوازشریف سے سینیٹ میں قائد ایوان راجہ محمد ظفرالحق نے جمعرات کی صبح وزیراعظم ہاﺅس میں ملاقات کی۔ وزیراعظم ہاﺅس اس کے میڈیا آفس کی طرف سے جاری بیان کے مطابق ملاقات کے دوران ملک کی موجودہ سیاسی صورتحال پر تبادلہ خیال ہوا۔ وزیراعظم محمد نوازشریف نے وادی نیلم میں بھارتی جارحیت کا نشانہ بننے والی بس کا معائنہ کیا،بھارتی فورسز نے دھنیا ل کے قریب بس کو مارٹر گولوں کا نشانہ بنایا تھا،23نومبر کو بھارتی جارحیت سے سات شہری شہید اور دس زخمی ہوئے تھے،بھارت نے بس حملے کے زخمیوں کی امداد کیلئے آنے والے ایمبولینس کو بھی نشانہ بنایا تھا۔وزیراعظم محمد نوازشریف نے حملے میں زخمی ہونے والے نوجوانوں سے واقعے کی تفصیلات معلوم کیں،بھارتی حملے میں شہید ہونےو الے نوجوانوں کی تصاویر بس پر چسپاں ہیں۔
