لاہور (ویب ڈیسک) وزیر اعلی پنجاب شہباز شریف نے لاہور دھماکے پر شدید غم و غصے کا اظہار کرتے ہوئے کہا ہے کہ شہیدوں کے خون کا قرض ہر قیمت پر لیا جائے گا ۔ بے گناہ شہیدوں کی قربانی رائیگا ں نہیں جائے گی ۔ منگل کے روز وزیر اعلی شہباز شریف نے اپنے سماجی رابطے کی ویب سائیٹ ٹویٹر پر پیغام میں کہا ہے کہ دہشتگردوں نے ملک کے دل پر حملہ کیا ہے ۔ جس میں پولیس کے جوانوں نے جان کا نذرانہ پیش کیا شہیدوں کے خون کا ہر قیمت پر بدلہ لیا جائے گا اور دہشتگردی کے خاتمے تک دہشتگردوں کے خلاف جنگ جاری رہے گی ۔
