پورٹ آف سپین(ویب ڈیسک) کوئنز پارک اوول میں کھیلے جا رہے چوتھے ٹی ٹونٹی میچ میں قومی ٹیم کے کپتان سرفراز احمد نے ٹاس جیت کر ویسٹ انڈیز کی ٹیم کو پہلے بیٹنگ کی دعوت دی۔ ویسٹ انڈیز کی جانب سے ایون لوئس اور والٹن میدان میں اترے۔ ٹیم کا سکور ابھی 27 رنز پر ہی پہنچا تھا کہ ایون لوئس 7 رنز بنا کر عماد وسیم کی گیند پر آو¿ٹ ہو گئے۔ لوئس نے صرف 7 رنز بنائے اور حسن علی نے ان کا کیچ لیا۔۔ اس کے بعد چیڈوِک والٹن اور مارلن سیموئلز نے ٹیم کے سکور کو آگے بڑھایا اور پہلی نصف سینچری مکمل کی۔ تاہم اس کے فوری بعد جارحانہ بلے بازی کر رہے چیڈوِک والٹن شاداب خان کی گیند پر آو¿ٹ ہو گئے۔ شعیب ملک نے ان کا کیچ لیا۔
چیڈوِک والٹن نے چار چھکوں اور دو چوکوں کی مدد سے 40 رنز کی جارحانہ اننگز کھیلی۔ ویسٹ انڈیز کی تیسری وکٹ 59 رنز پر گری جب جیسن محمد صرف ایک رن بنا کر حسن علی کی گیند پر بولڈ ہو کر پویلین لوٹ گئے۔ اس کے فوری بعد ہی لینڈل سمنز رن آو¿ٹ ہو کر واپس لوٹ گئے۔ سمنز نے شائقین کرکٹ کو شدید مایوس کیا اور صرف ایک رن ہی بنا پائے۔
ویسٹ انڈیز کو پانچواں نقصان 73 رنز پر اٹھانا پڑا جب مارلن سیموئلز کو حسن علی نے بولڈ کرکے چلتا کیا۔ سیموئلز نے 22 رنز کی اننگز کھیلی۔ اس کے بعد ویسٹ انڈیز کی چھٹی وکٹ 82 جبکہ ساتویں وکٹ 83 رنز پر گری۔ کیرون پولارڈ 3 رنز بنا کر رومان رئیس کی گیند پر آو¿ٹ ہوئے جبکہ جیسن ہولڈر کو صفر پر شاداب خان نے آو¿ٹ کیا۔ ویسٹ انڈیز کو آٹھواں نقصان 121 رنز پر اٹھانا پڑا جب سنیل نارائن 9 رنز بنا کر وہاب ریاض کی گیند پر بولڈ ہو گئے –
