مشکل وقت میں ساتھ نہ دیتے تو نوازشریف آج کہیں اور ہوتے۔۔۔

اسلام آباد (مانیٹرنگ ڈیسک) سابق صدر آصف زرداری نے کہا ہے کہ ہر فیصلہ ملکی مفاد کیلئے کیا۔ اگر نوازشریف کا مشکل وقت میں ساتھ نہ دیتا تو آض وہ وزیراعظم ہاﺅس یا رائیونڈ کے بجائے کہیں اور ہوتے۔ نجی ٹی وی پروگرام میں گفتگو کرتے ہوئے انہوں نے کہا کہ دہشتگردی سے نمٹنا ضروری ہے شام پر حملے کے حق میں نہیں تھے۔ جانتے تھے کہ نتائج ٹھیک نہیں ہوں گے۔ وقت نے ثابت کیا ہے ٹھیک تھے انہوں نے کہا کہ سنا ہے کہ جنرل (ر) راحیل شریف اتحادی فورس کے سربراہ نہیں ہیں۔ راحیل شریف کے وہاں مشورے سنے جائیں گے۔ سابق صدر نے کہا کہ حکومت کے دعوے بھیانک مذاق ہیں معیشت میںخاطر خواہ ترقی نہیں ہوئی۔ تیل کی قیمت 3گنا بڑھ گئی۔ بجلی کی قیمت میں اضافہ ہوا ٹیکس پر ٹیکس لگایا جارہا ہے۔ حکومتی بیانات حقیقت سے دور ہیں3ماہ میں لوڈشیڈنگ ختم کرنے کے دعوے ہوئے۔ 4سال بعد بھی وہی حالات ہیں انہوں نے کہا کہ میں نے کبھی درگزر نہیں کیا۔ سیاست میں کسی کیبھی ضرورت پڑجاتی ہے۔ ہمارے دور میں حالات بہتر تھے۔ موجودہ حکومت کو اصل مینڈیٹ ملتا تو اتحادی حکومت بنتی۔ حکومت کے پاس سیاسی چیف جسٹس کا دیا ہوا جعلی مینڈیٹ ہے۔ حکومت میں اہلیت نہیں ہماری تجاویز سنی نہیں جاتیں۔ آئندہ انتخابات میں ہوشیار رہیں گے۔ سابق صدر آصف علی زرداری نے کوئٹہ میں بلاول ہاﺅس بنانے کا فیصلہ کرلیا ہے نجی ٹی وی کے مطابق جاری کردہ اعلامیہ میں کہا گیا ہے کہ کوئٹہ میں بلاول ہاﺅس بنانے کا مقصد پارٹی رابطوں کا فروغ ہے۔