راولپنڈی(مانیٹرنگ ڈیسک) پاک فوج نے عزیر بلوچ کو اپنی تحویل میں لیا۔ آئی ایس پی آر کے مطابق عزیربلوچ کو پاکستان آرمی ایکٹ1923 کے تحت تحویل میں لیاگیا۔عزیر بلوچ پر حساس معلومات غیر ملکی ایجنسیوں کو دینے کا الزام تھا۔ وہ بلوچستان میں غیر ملکی خفیہ اداروں کو کارروائی کے لئے خفیہ معلومات دیتا رہا ہے پاک فوج کے ترجمان میجر جنرل آصف غفور نے سماجی رابطے کی سائٹ ٹوئٹر پر اپنے ٹوئٹ میں کسی ملک کی نشاندہی کیے بغیر بتایا کہ عزیر بلوچ پر حساس معلومات غیر ملکی خفیہ ایجنسی کو فراہم کرنے کا الزام ہے۔عزیر بلوچ 2013 میں ٹارگٹ کلرز اور جرائم پیشہ افراد کے خلاف کراچی میں رینجرز آپریشن شروع ہونے پر بیرون ملک فرار ہوئے تھے۔قانون نافذ کرنے والے اداروں کی جانب سے لیاری گینگ وار کے سربراہ عزیر بلوچ کو بلوچستان سے گرفتار کیا گیا تھا۔ابتدا میں عزیر بلوچ کو رینجرز نے 90 روز تک حراست میں رکھا اور تفتیش کے بعد پولیس کے حوالے کردیا تھا، ملزم کو بعد ازاں کراچی کی سینٹرل جیل میں قید رکھا گیا جہاں عزیز بلوچ کو متعدد ٹرائل کا سامنا تھا۔ اس سے قبل عزیر بلوچ کوانسداد دہشت گردی کی عدالت کی جانب سے 40 مقدمات میں اشتہاری قرار دیا جا چکا ہے۔لیاری میں 2012 میں ہونے والے پولیس آپریشن کے دوران عزیر بلوچ اور ان کے دیگر ساتھیوں پر قتل، اقدام قتل اور پولیس حملوں سے متعلق 35 مقدمات درج کیے گئے تھے۔اس کے علاوہ وہ لیاری سے تعلق رکھنے والے پی پی پی کے ایک رکن قومی اسمبلی اور کچھ پولیس افسران کے ساتھ ارشد پپو، اس کے بھائی یاسر عرفات اور ساتھی جمعہ شیرا قتل کیس کے ٹرائل کا سامنا بھی کررہے ہیں، انھیں مارچ 2013 میں ڈیفنس سے اغوا کے بعد لیاری میں قتل کردیا گیا تھا۔ سردار عزیز جان بلوچستان کے مختلف علاقوں سے اسلحہ کراچی لاتا تھاجو کراچی کے مختلف علاقوں میں کارروائیوں کے لئے استعمال کیا جاتا رہا ہے۔ جبکہ گذشتہ دنوں عدالت میں لیاری میں پولیس پر حملے کے مقدمے سے بری کردیا گیا تھا۔ پولیس کے مطابق جیل میں ہونے کے باوجود عزیر بلوچ لیاری اور اس سے جڑے علاقوں میں بھتا وصول کر رہا تھا ۔
