اسلام آباد (مانیٹرنگ ڈیسک) عوامی مسلم لیگ کے سربراہ شیخ رشید نے کہا ہے کہ عمران خان اور آرمی چیف کی طویل ملاقات ہوئی۔ پانامہ کیس پر بھی یقینی طور پر بات ہوئی ہو گی۔ آرمی چیف کو یہ جگہ ڈان لیکس کی آواز سننا پڑ رہی ہے۔ فوج نے واضح کر دیا ہے کہ طارق فاطمی اور پرویز رشید کی قربانی قبول نہیں۔ فوج کو بڑا بکرا چاہیے۔ نجی ٹی وی سے خصوصی بات چیت میں انہوں نے مزید کہا کہ خبریں مل رہی ہیں کہ پنجاب میں اگر جینے والا امیدوار پی پی میں شامل ہو گا تو تمام خرچہ آصف زرداری دے گا۔ پنجاب میں پیپلزپارٹی کو اگر کسی نے ووٹ دینا ہی ہے تو وہ زرداری کو دیکھ کر ارادہ بدل لے گا۔ بلاول کو سامنے لایا جاتا تو پھر ممکن ہے کہ ہمدردی کے ووٹ مل جاتے۔ پانامہ کیس کا فیصلہ شیخ رشید کے کیس میں آرٹیکل 62-63 کے تحت آئے گا۔ رواں ماہ فیصلہ آ جائے گا۔ 17 یا 18 مارچ کو فیصلہ آ سکتا ہے۔ شیخ رشید نے کہا کہ کلبھوشن کے معاملہ پر بھارتی سیاست میں ہلچل مچی ہے۔ کلبھوشن کی سزائے موت کا نواز شریف کو بھی علم نہیں تھا۔ پانامہ فیصلہ عوام کے حق میں اور کرپشن کے خلاف آئے گا۔ نا انصافی قانون بن جائے تو اس سے لڑنا لازم ہو جاتا ہے۔ پاک فوج قربانیاں دے رہی ہے اور حکمران ٹولہ مال بنانے میں مصروف ہے۔ پنجاب میں رینجرز ٹھیک وقت میں آ گئی ہے۔ ابھی تو ماڈل ٹاﺅن کیس بھی کھلے گا جس میں حاملہ خواتین کو قتل کیا گیا۔ بجلی، گیس موجود نہیں ہے اور پنجاب حکومت اب ٹھیلے والوں کی طرح آواز لگا رہی ہے کہ بجلی لگوا لوگ، گیس کنکشن لے لو۔ نندی پور منصوبہ قائد اعظم سولر پارک، ساہیوال منصوبہ سب فیل ہو چکے ہیں۔ قوم کو بیوقوف بنایا جا رہا ہے لیکن وہ بیوقوف نہیں ہے پانامہ فیصلہ آنے دیں پھر سب دیکھیں گے کہ قوم ان کے ساتھ کیا سلوک کرتی ہے۔ پانامہ فیصلہ جو بھی آئے فوج کی ذمہ داری ہے کہ اس پر مکمل عملدرآمد کرائے۔ وزارت خارجہ نالائقوں سے بھری پڑی ہے اسی لیے آرمی چیف کو سعودیہ لندن دیگر ممالک جانا پڑ رہا ہے۔ طارق فاطمی سے فوج کی ویسے بھی چڑ ہے کسی دن کوئی فوجی اسے دو تھپڑ لگائے گا کہ تو یہاں کیا کر رہا ہے۔ فاطمی کی بیگم کی ایم این اے سے یہ سارا مالشیا گروپ ہے۔ عمران خان کو اندرون سندھ وقت دینا چاہیے۔ لوڈشیڈنگ کی صورتحال کسی لاہوری سے پوچھ لیں وہ خوب بتائے گا کہ کیا صورتحال ہے۔
