کراچی (ویب ڈیسک) وزیر اعلیٰ سندھ نے گیس کی سپلائی نہ ملنے پر وفاقی حکومت کو وارننگ دے دی۔ صوبائی اسمبلی میں خطاب کے دوران ان کا کہنا تھا کہ وفاقی حکومت اور سوئی سدرن سن لے آج گیس نہ ملی تو سوئی سدرن کو گیس سپلائی بند کر دیں گے۔ ایم کیو ایم نے بھی وزیر اعلیٰ کے بیان کی حمایت کرتے ہوئے کہا گیس لینا ہمارا حق ہے۔ وزیر اعلیٰ سندھ سید مراد علی شاہ آج تنگ آمد بجنگ آمد کی تصویر بنے نظر آئے۔ وفاق کو تین دن کی وارننگ دے ڈالی۔ بھرے ایوان میں وفاق کو للکارتے ہوئے کہا منظور شدہ گیس بھی نہیں مل رہی ، اگر ہمیں نہ ملی تو سب کی گیس بند کر دیں گے۔ ایم کیو ایم کے سردار احمد نے وزیر اعلیٰ کے بیان کی حمایت کر دی جس پر حکومتی بنچز نے ڈائس بجا کر حمایت کا خیر مقدم کیا۔ سردار احمد نے کہا گیس لینا ہمارا حق ہے۔
