کراچی (مانیٹرنگ ڈیسک) رینجرز نے کراچی سمیت صوبے بھر میں موجود تمام نفری کو واپس بلا لیا۔ رینجرز کی جانب سے سنیپ چیکنگ بھی روک دی گئی۔ تاہم ایئرپورٹ، ججز، گورنر سندھ اور وزیراعلیٰ سندھ کے ساتھ نفری موجود ہے۔ نجی ٹی وی ذرائع کے مطابق سندھ میں رینجرز اختیارات کی مدت ختم ہوتے ہی بڑا فیصلہ کیا گیا ہے۔ جس کے تحت کراچی سمیت صوبہ بھر سے رینجرز کی نفری کو واپسی کی ہدایت کر دی گئی۔ رینجرز نے جرائم پیشہ افراد کے خلاف کی جانے والی کارروائیاں بھی روک دیں۔سندھ میں رینجرز کے اختیارات کا معاملہ ہر تین ماہ بعد سامنے آتا ہے، صوبائی حکومت سمری منظور کرنے میں ٹال مٹول سے کام لے رہی ہے ۔ جبکہ وفاقی وزارت داخلہ رینجرز کو اختیارات دلوانے کےلئے سرگرم ہے۔واضح رہے کہ کراچی سمیت پورے سندھ میں رینجرز نے امن و امان کے لئے اہم کردار ادا کیا صورتحال بہتر ہوئی تاہم اختیارات کی مدت ختم ہوتے ہی رینجرزنے کام چھوڑدیا۔
رینجرز
