فتح پور(نما ئندہ خبریں) فیلڈمارشل پانچ ستاروں والا جرنیل پاک فوج کا اعلیٰ ترین رینک،ایوب خان اعزاز حاصل کرنے والے واحد جنرل،ریٹائر منٹ کے قریب جنرل کیانی کو بھی بنا نے کی خبریں آئیں،جنرل راحیل شریف عسکری ماہرین کے مطا بق ایوب خان سے بھی زیادہ حقدار، اگر اعزاز ملا تو پاک فوج کے دوسرے سربراہ ہو نگے۔گزشتہ روز ”خبریں “ کی ایک رپورٹ میں بتا یا گیا ہے کہ سعودی عرب نے پاکستانی حکومت سے سابق آرمی چیف جنرل راحیل شریف کو بعد از ریٹائرمنٹ فیلڈ مارشل کے عہدے پر اعزازی ترقی دینے کی خواہش کا اظہار کیا ہے تاکہ وہ مسلم ممالک کی اتحادی افواج کی سربراہی کے وقت ”فائیوسٹار جنرل“ کہلائیں۔اس بارے جائزہ لیں تو فیلڈ مارشل کا عہدہ پاکستان آرمی میں اعلیٰ ترین ملٹری رینک ہے جو آج تک صرف ایک جنرل ایوب خان کو (وہ بھی انکے اپنے دور حکومت میں خود انہی کے ہاتھ سے خود کو)ہی ملا ہے اور اس سے قبل یا اس کے بعد آج تک کبھی بھی کو ئی پاکستانی جنرل،ایئر چیف مارشل یا ایڈمرل یہ اعزاز حاصل نہیں کر سکا۔
