اسلام آباد (آن لائن) چیئرمین تحریک انصاف کے عمران خان نے کہا ہے کہ وزیراعلیٰ پنجاب شہبازشریف کے قریبی دوست جو میرے بھی دوست ہیں نے مجھے10 ارب روپے آفر کئے، آفر پانامہ کیس پر خاموش رہنے کیلئے کی گئی، نوازشریف اس سے قبل بھی بہت سے لوگوں کو آفر کر چکے ہوں گے، آفر کرنے والے شخص کا نام نہیں بتاو¿ں گا، بیچار پھنس جائے گا، پانامہ کیس ختم نہیں ہوا، دو ماہ اور چلے گا، جے آئی ٹی میں شریف خاندان کو 13 سوالات کے جواب دینا ہوں گے، کیس کا فیصلہ اسی بنچ کو سنانا چاہئے، نیا بنچ بنا تو قبول نہیں کریں گے۔ نجی ٹی وی سے گفتگو کرتے ہوئے چیئرمین تحریک انصاف عمران خان نے کہا کہ پانامہ کیس میں خاموش رہنے کے لئے مجھے دس ارب روپے کی آفر کی گئی، دبئی کے ذریعے مجھ تک آفر بھیجوائی گئی، شریف فیملی کی جانب سے دو ہفتے پہلے مجھے آفر کا پتہ چلا، میں پہلا شخص نہیں جس کو نوازشریف نے پیشکش کی ہو۔ انہوں نے کہا کہ نوازشریف نے پہلے بھی بہت سے لوگوں کو پیشکش کی، شہباز شریف کے قریبی دوست جو میرے بھی دوست ہیں میرے پاس آفر لیکر آئے جو میں نے قبول نہیں کی ۔ آفر لینے والے نے کہا کہ آپ کیلئے آفر ہے جو دس ارب سے شروع ہوتی ہے باقی آپ کی مرضی۔ انہوں نے کہا کہ آف لانے والے کا نام نہیں بتاو¿ں گا، وہ پھنس جائے گا آفر لانے والے سے میری ملاقات دو ہفتے قبل ہوئی اس لئے مجھے دیر سے پتہ چلا۔ انہوں نے کہا کہ سپریم کورٹ کے فیصلے کو قبول کیا ہے، فیصلے پر تنقید نہیں کی، جے آئی ٹی میں بار ثبوت شریف خاندان پر ہے ،نواز شریف اور ان کے خاندان کو 13 سوالات کے جوابات دینے ہوں گے، لندن کے فلیٹ ہی نہیں شریف خاندان کے سارے اثاثے خطرے میں ہیں۔ انہوں نے کہا کہ پانامہ کیس ابھی ختم نہیں ہوا دو مہینے اور لگیں گے، عدالت کے سامنے جھوٹ بولنے کی الگ سزا ہے، پانامہ ساکھ اور صادق اور امین کا ہے، جس پر وزیراعظم پورا نہیں اترے، قطری خط کو عدالتی بنچ نے مسترد کیا ہے۔ انہوں نے کہا کہ جے آئی ٹی دو ہفتے بعد رپورٹ پیش کریگی، پہلی رپورٹ سے ہی پتہ چل جائے گا کہ کیس کس طرف جارہا ہے ،پانامہ کیس میں ثبوت ہم نے نہیں دینے تھے، شریف فیملی نے دینے تھے جواس نے نہیں دیئے ،پانامہ پیپرزآئی سی آئی جے نے ریلیزکئے ،جن پردنیاکے کسی فردنے اعتراض نہیں کیا۔انہوںنے کہاکہ سپریم کورٹ کے 5ججزنے وزیراعظم کے خلاف فیصلہ دیاہے ،پاکستان کی تاریخ میں طاقتورکے خلاف کبھی فیصلہ نہیں آیا،پانامہ کیس کافیصلہ اسی بنچ کوکرناچاہئے ۔انہوںنے کہاکہ وزیراعظم کومستعفی ہوناچاہئے ،جس کیلئے ہم اپناپورازورلگائیں گے ،نوازشریف جے آئی ٹی پراثراندازہوں گے ،نوازشریف نے پانامہ کیس سننے والے ججزپربھی دباو¿ڈالاہوگا۔عمران خان نے کہاکہ آصف زرداری نے خودکہاکہ آراوزکے الیکشن ہوئے ہیں اوردھرنے میں ہمارے خلاف ہوگئے ،میں زرداری کے ساتھ مل کرکرپشن کے خلاف مہم نہیں چلاسکتا،زرداری خودکرپٹ ترین انسان ہیں ،زرداری کے ساتھ مل کرکرپشن کے خلاف احتجاج کرنانوازشریف کوفائدہ پہنچاناہے ،زرداری صاحب پہلے چارسال کہاں تھے جواب آگئے ہیں ۔انہوںنے کہاکہ نوازشریف حکومت کرنے کااخلاقی جوازکھوچکے ہیں میں نہیں تمام سیاسی جماعتیں وزیراعظم سے استعفیٰ مانگ رہی ہیں ،اگرجے آئی ٹی کے بعدبھی فیصلہ حق میں نہ آیاتومیں چپ نہیں بیٹھوں گا۔اداروں پردباو¿بڑھائیں گے تاکہ انصاف ہواگرنیابنچ بنایاگیاتووکلاءسے مشاورت کریںگے ،فیصلہ اسی بنچ کوسناناچاہئے۔ پانامہ کیس کے بینچ نے قطری خط کو مسترد کیا ہے ،وزیراعظم کو استعفیٰ دینا چاہیے ،جے آئی ٹی کے معاملے پر ہمیں اعتماد نہیں ملا ،پانامہ لیکس کے معاملے پر نیا بینچ تشکیل نہ دیا جائے ،پرانا بینچ ہی کیس کی شنوائی کرے ۔ پاناماکیس ساکھ اورصادق وامین ہونے کاہے جس پروزیراعظم پورے نہیں اترتے۔انہوں نے کہا کہ پانامالیکس کیس بینچ کے پانچوں ججز نے قطری خط کو جھوٹ کہا ہے جس پر وزیراعظم کو مستعفی ہونا چاہیے، ہم وزیراعظم کے استعفے کےلئے پورا زور لگائیں گے ،عدالت کے سامنے جھوٹ بولنے کی الگ سے سزاہے، اب بارثبوت شریف فیملی پرہے عمران خان نے کہا کہ میں شریف خاندان کی طرف سے 10ارب روپے کی پیشکش کے بیان پر قائم ہوں ، یہ پیشکش کرنے والا حمزہ شہباز کا دوست ہے ، حمزہ شہباز نے میرے ایک دوست سے دبئی میں رابطہ کیا ،میرا دبئی والے دوست کا تعلق لاہور سے ہے جو کاروبار کرتا ہے،اگر میں نے اس کا نام بتایا تویہ شریف خاندان والے اس کا کاروبار تباہ کر دیں گے۔ بیان میں کہا ہے کہ نواز شریف کو تب سے جانتا ہوں جب وہ بیوروکریٹس کے گھروں میں مٹھائی کے ٹوکرے بھیجتا تھا۔ عمران خان بولے بتایا جائے نواز شریف نے رشوت کس کو نہیں دی؟ نواز شریف نے لفافہ جرنلزم شروع کیا، آصف نواز کو مری میں بی ایم ڈبلیو کی چابی بھجوائی۔عمران خان نے واضح کیا کہ مجھے حکمرانوں نے خود فون کر کے تو نہیں کہا تھا کسی کے ذریعے آفر کی گئی تھی۔ آفر لگانے والا نواز شریف نہیں شہباز شریف کا قریبی ہے، نام نہیں لے سکتا بیچارہ پھنس جائے گا۔
