اسلام آباد( نیوزڈیسک) سرکاری ملازمین اور پنشنرز کے لئے خوش خبری،آئندہ بجٹ میں تنخواہوں اور پنشن دس سے پندرہ فی صد بڑھانے کا امکان ہے۔آئندہ وفاقی بجٹ میں تنخواہ اور پنشن میں 10 سے 15 فی صد اضافہ کیا جا سکتا ہے،تنخواہوں کیلئے 40 سے 45 ارب اضافے کے بعد 390 سے 395 ارب روپے،پنشن کیلئے فنڈز 25 سے 30 ارب روپے بڑھا کر 270 سے 275 ارب روپے مختص کئے جا سکتے ہیں۔ذرائع کے مطابق سرکاری ملازمین کے مختلف الاو¿نسز میں بھی اضافے پر غور کیا جا رہا ہے،کم سے کم تنخواہ بھی بڑھا کر 14 سے 15 ہزار روپے مقرر کی جا سکتی ہے۔
