ممبئی(ویب ڈیسک  بالی ووڈ اداکار سیف علی خان کی بہن و اداکارہ سوہا علی خان کے ہاں رواں سال ننھے مہمان کی آمد متوقع ہے۔سیف علی خان کی بہن سوہا علی خان کی شادی 2 سال قبل اداکار کنال کھیمو سے ہوئی تھی جن کے ہاں اب ننھے مہمان کی آمد متوقع ہے۔ اداکارہ کے حاملہ ہونے کی تصدیق کرتے ہوئے شوہر کنال کھیموکا کہنا تھا کہ ہمارے ہاں پہلا بچہ آنے والا ہے جس پر ہم خوشی محسوس کررہے ہیں لہٰذا نیک تمناؤں کا اظہار کرنے والوں کا شکریہ ادا کرتا ہوں۔دوسری جانب سوہا علی خان نے اپنی بھابھی کرینہ کپور خان سے مشورے لینا شروع کردیئے ہیں  اور ان کے ہاں ننھے مہمان کی آمد رواں سال دسمبر میں متوقع ہے۔

ممبئی( ویب ڈیسک ) بالی ووڈ اداکارہ کنگنا رناوت جواپنے خیالات کا اظہارکرنے میں ذرا بھی نہیں گھبراتی ہیں ان کا کہنا ہے کہ ذاتی طورپرانہیں اذان بہت زیادہ پسند ہے۔بھارتی میڈیا رپورٹس کے مطابق بالی ووڈ اداکارہ کنگنا رناوت سے ایک تقریب کے دوران گلوکارسونونگم کے اذان کے بارے میں دیئے گئے بیان کے حوالے سے پوچھا گیا تو ان کا کہنا تھا کہ میں کسی اورکے حوالے سے تو کچھ نہیں کہہ سکتی ہوں لیکن مجھے ذاتی طورپراذان بہت پسند ہے۔اداکارہ نے کہا کہ جب وہ اپنی فلم ’تنوویڈزمنوریٹرنس‘ کی لکھنؤمیں شوٹنگ کررہی تھیں تواس وقت جب بھی انہیں اذان کی آوازآتی تھی تو وہ اس میں محو ہوجاتی تھیں کیونکہ انہیں اذان بہت زیادہ پسند ہے۔ اداکارہ نے کہا کہ مذہب یا کسی بھی چیز کے حوالے سے وہ بس اپنی ہی رائے دے سکتی ہیں کسی اورکے بارے میں کچھ نہیں کہہ سکتی ہیں۔کنگنا نے کہا کہ مجھے مسجد، مندراورچرچ جانا بہت پسند ہے جب کہ میں کرسمس بھی مناتی ہوں، سونو نگم نے جو بھی کہا کہ وہ ان کی اپنی رائے تھی جس کو لے کر زیادہ بات نہیں کرنا چاہیئے۔واضح رہے کہ سونونگم نے گزشتہ دنوں اپنی ٹوئٹ میں کہا تھا اگرچہ وہ مسلمان نہیں لیکن پھر بھی انہیں اذان کی آواز سے صبح جاگنا پڑتا ہے اورپتہ نہیں بھارت میں یہ جبری مذہب پرستی کب ختم ہوگی۔

کراچی(ویب ڈیسک ) عالمی شہرت یافتہ پاکستانی اداکار معین اختر کی چھٹی برسی آج منائی جارہی ہے۔24 دسمبر 1950 کو کراچی میں پیدا ہونے والے معروف اداکارمعین اختر فن کی دنیا کا ایسا ستارہ ہے جو شائقین کے دلوں میں آج بھی زندہ ہے۔ انہوں نے 16 سال کی عمرمیں فنی سفرکا آغاز اسٹیج ڈراموں سے شروع کیا۔ اسٹیج ڈراموں ’’بڈھا گھرپہ ہے‘‘ اور ’’بکرا قسطوں پر‘‘ نے معین اختر کو شہرت کی بلندیوں پر پہنچا دیا جب کہ’’روزی‘‘،’’ففٹی ففٹی‘‘،’’ہاف پلیٹ‘‘،’’شوٹائم‘‘،’’انتظار فرمایئے‘‘اور’’آنگن ٹیڑھا‘‘ ان کے یادگار ڈرامے ہیں۔ٹی وی پر جہاں انہوں نے انور مقصود اور بشریٰ انصاری کے ساتھ مل کر کئی شاہکار پروگرام پیش کیے وہیں منچلے نوجوان سے لے کر ایک سنکی بوڑھے تک کے جو کردار انھوں نے ادا کیے انہیں دیکھ کر آج بھی ہونٹوں پر ہنسی مچل جاتی ہے جب کہ معین اختر کو ان کی ہمہ جہت فنکارانہ صلاحیتوں کی وجہ سے صدارتی تمغہ برائے حسن کارکردگی سمیت کئی اہم قومی اور بین الاقوامی ایوارڈز سے بھی نوازا گیا ہے۔پاکستان کے لیے فخر کا باعث بننے والے معین اختر 2011 کو آج ہی کے روز کراچی میں دل کا دورہ پڑنے سے انتقال کرگئے لیکن ان کی یادیں آج بھی کروڑوں مداحوں کے دلوں میں زندہ ہیں۔