لاہور (شوبز ڈیسک) گلوکارہ سائرہ ارشد نے کہا ہے کہ پاکستان کے جن لوگوں کے اثاثہ جات اور بینک اکاﺅنٹ بیرون ملک موجود ہیں ان کو پاکستان واپس لایا جائے تو ملک میں لوڈ شیڈنگ ایک گھنٹے میں ختم ہو سکتی ہے اور اس کے ساتھ ایسی سہولتیں فراہم کی جا سکتی ہیں جس سے ایک عام آدمی کی زندگی میں آسانیاں میسر آسکتی ہیں ۔ انہوں نے سے خصوصی گفتگو کرتے ہوئے کہا کہ جو لوگ اس ملک سے محبت کا دعویٰ کرتے ہیں ان کی تمام تر دولت سوئس بینکوں میں موجود ہے اگر وہ پیسہ اپنے ملک میں واپس لے آئیں تو اس ملک کے بہت سے مسائل خود بخود حل ہو سکتے ہیں اور میں شرطیہ کہتی ہوں کہ جتنی دولت پاکستانیوں کی بیرون ملک ہے اگر وہ پاکستان واپس آجائے تو لوڈ شیڈنگ کا بحران ایک گھنٹے میں ختم ہو جائے گا اور صنعتیں لگانے سے معاشی روزگاری میں بھی بہتری آئے گی اور ہم ترقی کی طرف ایک نیا سفر شروع کر دیں گے۔ انہوں نے کہا کہ بدقسمتی سے ہمیں ایک دوسرے کی ذات پر کیچڑ اچھالنے اور کردار کشی کی عادت پڑ چکی ہے اور برداشت کی قوت ختم ہوتی جا رہی ہے اگر یہی صورتحال رہی تو ہم تیزی سے پستی کی طرف گرتے جائیں گے ۔ انہوں نے ایک سوال کے جواب میں کہا کہ میرا سیاست میں آنے کا کوئی ارادہ نہیں جو بھی حقیقی معنوں میں ملک کا خیر خواہ ہو گا اس کا ساتھ دوں گی ۔

لاہور (شوبز ڈیسک) اداکارہ ہما علی نے کہا ہے کہ میری کامیابیاں بعض لوگوں کو ہضم نہیں ہو رہیں ، آئے روز میرے بارے میں کوئی نہ کوئی افسانہ کھڑا کر دیا جاتا ہے ، میں نے موجودہ مقام ایک دو ماہ میں نہیں بلکہ کئی سالوں کی محنت سے حاصل کیا ہے اور ہمیشہ ایسی پرفارمنس دینے کی کوشش کی ہے جس پر کسی کو اعتراض نہ ہو اور اس کا واضح ثبوت یہ ہے کہ مجھے آج تک کبھی مانیٹرنگ ٹیموں کی جانب سے نوٹس نہیں ملا ۔ انہوں نے کہا کہ شوبز میں آنے والی ہر لڑکی کی خواہش ہوتی ہے کہ وہ جلد سے جلد شہرت حاصل کر لے لیکن یہ صرف چور راستوں سے ممکن ہے اور یہ شہرت بھی صرف عارضی ہوتی ہے ۔ آج نرگس ، میگھا اور دیدار نے جو شہرت حاصل کی وہ ان کو سالوں کی مسلسل محنت کے بعد ملی ہے ۔میں بھی مسلسل محنت پر ہی یقین رکھتی ہے اور ان لوگوں سے سے درخواست کرتی ہوں کہ جو میرے خلاف محاذ بنا کر سازشوں میں مصروف ہیں وہ مجھ سے نظریں ہٹا کر صرف اپنے لیے محنت کریں تو یقینا ایک دن مجھ سے زیادہ کامیاب ثابت ہوں گے ۔ انہوں نے کہا کہ میں اپنے خلاف سازشیں کرنے والوں کے لئے صرف دعا ہی کر سکتی ہوں کہ خدا انہیں نیکی کی ہدایت دے ۔

لاہور(شوبز ڈیسک) پاکستان فلم انڈسٹری کے شہنشاہِ ظرافت اداکار منور ظریف کی 41وےں برسی کل ( ہفتہ )29اپرےل کو منائی جائے گی ۔منور ظریف 25دسمبر 1940ءکو لاہور کے علاقہ قلعہ گجر سنگھ میں پیدا ہوئے ۔مزاح کا فن انہیں وراثت میں ملا تھا، انہوں نے اپنے کریئر کا آغاز 1961ءمیں ریلیز ہونے والی فلم ”ڈنڈیاں “سے کیا۔تاہم 1973ءمیں وہ پہلی بار اردو فلم ”پردے میں رہنے دو“ میں سائیڈ ہیرو کے روپ میں سامنے آئے اور اسی سال ایک اور فلم رنگیلا اور منور ظریف کی کامیابی نے انہیں سپر اسٹار بنا دیا۔مگر ان کے کیریئر کی لازوال فلم ”بنارسی ٹھگ “رہی جس میں منور ظریف نے مختلف گیٹ اپ کئے اور اپنے ورسٹائل اداکار ہونے کی مہر ثبت کردی۔منور ظریف جب اسکرین پر جلوہ گر ہوتے تو لوگ ان کی باتوں پر لوٹ پوٹ ہوتے دکھائی دیتے ۔ ان کی مزاحیہ اداکاری کا انداز منفرد اور نرالا تھا جس کے باعث انہوں نے مزاحیہ اداکاری میں اپنا نام کمایا جسے آج بھی کسی نہ کسی شکل میں دورِ حاضر کے کامیڈین نقل کرتے نظر آتے ہیں۔بنارسی ٹھگ، جیرا بلیڈ، رنگیلا اور منور ظریف، نوکر ووہٹی دا، خوشیاں، شیدا پسٹل، چکر باز، میرا ناں پاٹے خاں، حکم دا غلام، نمک حرام، بندے دا پتر اور اج دا مہینوال ان کی ایسی ہی لاتعداد فلموں میں سے چند کے نام ہیں۔، ان کی آخری فلم ”لہودے رشتے “تھی جو 1980ءمیں ریلیز ہوئی ۔جبکہ 1973،1971اور 1975میں انہیں ‘عشق دیوانہ، بہارو پھول برسا اور زینت’ میں بہترین مزاحیہ اداکاری پر نگار ایوارڈ دیئے گئے۔ان کے بعد کامیڈی فلموں کا ایک نیا دور شروع ہوا اور انہی کے قدم پر چل کر علی اعجاز، ننھا اور عمر شریف اور دےگر اداکاروںنے نے اسکرین پر کئی عرصے تک راج کیا۔رنگیلا اور منور ظریف کی فلمی جوڑی کو فلم کی کامیابی تصور کیا جاتا تھا۔منور ظریف ایک بہت باصلاحیت اداکار تھے۔ انہوں نے اپنی بے ساختہ اداکاری کی وجہ سے بہت جلد فلمی دنیا میں اپنا مقام بنالیااور اےک وقت مےں پنجابی اوراردو فلموں کی ضرورت بن گئے جس کا اندازہ اس امر سے لگایا جاسکتا ہے کہ اپنے 15سالہ فلمی کیریئر میں انہوں نے 321 فلموں میں کام کیا۔منور ظریف 29اپریل 1976ءکو اپنے پرستاروں کو سوگ وار چھوڑ کر دنےا فانی سے رخصت ہوگئے مگر آج بھی وہ اپنے فن کے ذرےعے اپنے پرستاروںکے دلوں پر راج کرتے ہےں ۔

لاہور(شوبز ڈیسک ) فلمی صنعت کے چاکلیٹی ہیرو وحید مراد مرحوم کے بیٹے عادل مراد نے ایک بار پھر فلموں میں اداکاری کے لئے جدوجہد شروع کر دی۔ عادل مراد کا کہنا تھاکہ میں فلموں میں اداکاری کے جوہردکھانے کاخواہشمندہوں تاہم فلم بین مجھ میں میرے والدوحیدمراد کو تلاش نہ کریں۔فن کسی کی میراث نہیں ہوتا۔مجھے اپنے والد پر فخر ہے کہ فلمی صنعت میں ان کاثانی کوئی نہیں۔میں ان کا نام روشن کرنا چاہتا ہوں۔

ممبئی(شوبز ڈیسک)بھارتی فلم انڈسٹری کے اداکار شاہد کپور نے اپنی صاحبزادای میشا کی نئی تصاویر کو سوشل میڈیا ویب سائت انسٹاگرام کے ذریعے اپنے مداحوں کے ساتھ شیئر کیا ہے۔تصویر نے سوشل میڈیا پر دھوم مچادی ہے ۔ ان میں سے ایک تصویر میں شاہد کپور اپنی بیٹی میشا کے ساتھ پول میں بیٹھے اس کے ساتھ پیار اور شفقت کا اظہار کر رہے ہیں۔ انڈین میڈیا رپورٹس کے مطابق خواہ کتنی بھی مصروفیت ہو شاہد کپور اپنی ننھی بیٹی میشا کو اپنے والدین سے ملوانے ضرور لے جاتے ہیں۔خیال رہے کہ شاہد کپور ان دنوں معروف ہدایتکار سنجے لیلا بھنسالی کی فلم پدماوتی کی شوٹنگ میں مصروف ہیں۔ فلم میں شاہد کہور کے علاوہ دیپکا پڈوکون اور رنویر سنگھ بھی اہم کرداروں میں نظر آئیں گے۔