ممبئی(شوبز ڈیسک)بالی ووڈ کے چاکلیٹی ہیرو رنبیر کپور نے پاکستانی اداکارہ ماہرہ خان کے بارے میں اپنے دل کی بات بتاتے ہوئے کہا ہے کہ ماہرہ خان بہت خوبصورت اور دلکش اداکارہ ہیں۔ماہرہ خان کوبے پناہ حسن اور دلکش خدوخال کے باعث حال ہی میں بیروت انٹرنیشنل ایوارڈ فیسٹیول میں دو ایوارڈز سے نوازا گیا ہے۔ پاکستان، بھارت سمیت بین الاقوامی میڈیا میں بھی ماہرہ کی خوبصورتی کے چرچے زوروشور سے جاری ہیں جب کہ بالی ووڈ کے ناموراداکاررنبیر کپوربھی ان کے دیوانے ہوگئے ہیں۔ جب رنبیر سے پوچھا گیا کہ بالی ووڈ کی سب سے خوبصورت اداکارہ کون سی ہیں تو انہوں نے اداکارہ شردھا کپور اورعالیہ بھٹ کے ساتھ پاکستانی اداکارہ ماہرہ خان کا بھی نام لیا اورکہا کہ ماہرہ خان بہت خوبصورت اوردلکش اداکارہ ہیں۔
