سیاست کھیل نہیں, خدمت ہمارا نصب العین, وزیراعلیٰ کا اہم اعلان

لاہور (اپنے سٹاف رپورٹر سے) وزےر اعلیٰ پنجاب محمد شہباز شرےف نے کہا ہے کہ وزےراعظم محمد نواز شرےف 20کروڑ عوام کے دلوں مےں بستے ہےں اور پاکستان کے مقبول ترین لیڈر ہیں۔ پاکستان مسلم لیگ (ن) کی قیادت نے خلوص نیت کے ساتھ عوام کی خدمت کی ہے اور یہی وجہ ہے کہ وزیر اعظم محمد نواز شریف کی قیادت میں مسلم لیگ(ن) آج بھی پاکستان کی سب سے بڑی اور ہر دل عزیز جماعت ہے۔ باشعور عوام نے دھرنا دینے والوں اور ماضی میں کرپشن کے ریکارڈ بنانے والوں کو ہر موقع پر مسترد کیا ہے کیونکہ عوام ترقی دشمن سیاست سے متنفر اور بیزار ہو چکے ہیں اور وہ صرف اور صرف ترقی و خوشحالی چاہتے ہیں۔ سیاست عوام کی بے لوث خدمت کا نام ہے اور عوام کی خدمت میں جو اطمینان اورسکون ملتاہے، اس کا اندازہ بے بنیاد الزام تراشیاں کرنے والے عناصر کبھی کر ہی نہیں سکتے۔ نیازی صاحب !کھیل کے میدان اور سیاست میں زمین آسمان کا فرق ہے وزیراعلی نے کہاکہ احتجاج ان کا مقدر ہے ، عوام کی خدمت ہمارا نصب العین ہے اورمخالفین احتجاج کرتے رہیں، ہم پاکستان کی ترقی وخوشحالی کے سفرکو آگے بڑھاتے جائیں گے۔ انہوں نے کہا کہ پاکستان مسلم لیگ (ن) کی حکومت نے عوامی خدمت کے ریکارڈ قائم کئے ہیں اور پہلے کی طرح آئندہ بھی عوام کی توقعات پر پورا اتریں گے۔ عوام کے مقبول ترےن اور مخلص لےڈر پربے بنیاد الزامات لگانے والوں کے ہاتھ کچھ نہےں آئے گا۔ انہوںنے کہاکہ بےساکھےوں کے ذرےعے اےوان اقتدار کے راستے ڈھونڈنے والوں کی خواہش کبھی پوری نہےں ہوگی۔ مسترد شدہ عناصر آئندہ الےکشن مےں اپنی شکست کے ڈر سے بوکھلاہٹ کا شکار ہےں۔ انہوںنے کہاکہ 2018ءکے انتخابات مےں عوام ترقی کے مخالفےن کو اےک بار پھرمسترد کردےں گے۔ ان انتخابات مےں بھی امانت، دےانت، شرافت اورخدمت کی سےاست کی جےت ہوگی۔ عوام کی ترقی کے سفر مےں اپنی منفی سےاست کا بند باندھنے والوںکو پچھتانا پڑے گا۔قوم اےسے سےاسی عناصر کو کبھی معاف نہےں کرے گی۔ وزےراعلیٰ پنجاب محمد شہبازشرےف نے لاہور کے علاقے گوالمنڈی میں ہوائی فائرنگ کے واقعہ کا سخت نوٹس لیتے ہوئے ڈی آئی جی آپریشنز سے رپورٹ طلب کرلی ہے۔