اسلام آباد(انٹرنیٹ رپورٹ)سینئر اینکر اورصحافی صابرشاکر کا کہنا ہے کہ وزیراعظم کے وکیل خواجہ حارث نے جے آئی ٹی رپورٹ کے والیوم 10کو پڑھا ہے البتہ انہوں نے وزیراعظم کو بھی اس بارے میں آگاہ کیاہے۔صابرشاکر کا کہنا ہے کہ وزیراعظم کے وکیل خواجہ حارث نے وزیراعظم میاں محمدنوازشریف کو جے آئی ٹی کے والیوم 10 بارے کہاہے کہ والیوم 10 میں ایسی خوفناک چیزیں موجود ہیں کہ اگر وہ منظر عام پرآگئیں تو لوگ پاناما لیکس کو بھول جائینگے اور ایک نیا پنڈوراباکس کھل جائیگا۔تاہم وزیراعظم کے وکیل خواجہ حارث نے یہ بھی کہاکہ اگر والیوم 10میں موجود جو کچھ بھی ہے اگر وہ سچ پر مبنی ہے تو آپ کو ایسے حالات میں چلے جانا ہی بہتر ہے۔
دعویٰ

اسلام آباد (این این آئی) قومی اسمبلی میں قائدحزب اختلاف خورشید شاہ نے وزیراعظم سے استعفے کا مطالبہ کرتے ہوئے کہا ہے کہ سیاست دان کا اولین فرض جمہوریت اور پارلیمنٹ کو بچانا ہے اس لیے وزیر اعظم چلے جائیں اور فیصلے سے قبل اپنا متبادل لے کر آئیں۔ میڈیا سے گفتگو کرتے ہوئے اپوزیشن لیڈر نے کہاکہ اقامہ دوہری شہریت کےلئے نہیں بلکہ ملازمت کےلئے ہوتا ہے اس لیے یہ کوئی جرم نہیں لیکن اس کو چھپانا اور اس سے حاصل آمدنی کو ظاہر نہ کرنا جرم ہے۔خورشید شاہ نے کہا کہ پاناما کیس میں پاناما کے علاوہ بھی بہت کچھ نکلا ہے ¾ سماعت کے دوران نعیم بخاری نے صرف ڈیڈھ گھنٹے دلائل دیئے جبکہ باقی وقت حکومتی وکلا نے لے لیا۔پاناکیس کے فیصلے کے حوالے سے انہوںنے کہاکہ سماعت کے دوران ججوں کے سوالات سے مقدمہ واضح ہوجاتا ہے،دو جج صاحبان کا فیصلہ پہلے سے موجود ہے اور اب دیگر تین ججوں کا فیصلہ بھی آ جائے گا۔ انہوںنے کہاکہ ایک مرتبہ اپوزیشن نے جمہوریت و پارلیمنٹ کو بچایا ہے اب اس کو بچانے کی ذمہ داری نواز شریف پر ہے۔خورشید شاہ نے کہا کہ سپریم کورٹ کے فیصلے سے پہلے نواز شریف کو اپنا متبادل لے کر آنا چاہیے۔وزیراعظم نواز شریف کے خلاف اپوزیشن جماعتوں کے اتحاد کے حوالے سے انھوں نے واضح کیا کہ اپوزیشن اتحاد میں شامل ہر جماعت اپنی پالیسی میں آزاد ہے،اگر کوئی جماعت نواز شریف کی حمایت کرتی ہے تو اس کا سیاسی نقصان بھی انہیں ہوگا۔خورشید شاہ نے کہا کہ عمران خان جو الزامات نواز شریف پر لگا رہے تھے اب وہی الزامات مسلم لیگ نواز ¾عمران خان پر لگا رہی ہے اسی لیے میں نے کہا تھا کہ نواز شریف کے ساتھ ساتھ عمران خان بھی سپریم کورٹ کی گرفت میں آئیں گے۔اسلام آباد کے پمز ہسپتال میں صحافیوں پر تشدد پر مذمت کرتے ہوئے ہوئے مطالبہ کیا کہ رپورٹ آنے پر وزیر داخلہ ملزمان کے خلاف کارروائی کریں۔انہوںنے کہاکہ اداروں کو کمزور کرنے کے لیے اداروں پر الزامات لگائے جا رہے ہیں لیکن اداروں کا کمزور ہوناریاست کے لیے خطرناک ہے۔وزارت خارجہ پر تنقید کرتے ہوئے اپوزیشن رہنما نے کہا کہ دہشت گردی کے خلاف جنگ میں ہمارے 22 ہزار جوان اور 66 ہزار شہری شہید ہوئے لیکن ہم عالمی دنیا کو باور نہیں کراسکے کہ ہم دہشت گردی کا شکار ہوئے ہیں،یہ ہماری وزارت خارجہ کی ناکامی ہے۔

اسلام آباد (مانیٹرنگ ڈیسک) ایوان بالا میں قائد حزب اختلاف اعتزاز احسن نے کہا ہے کہ کوئی شک نہیں کہ بڑے میڈیا گروپ کے سربراہ عدالت میں طلب کیے جانے پر بڑے پریشان ہونگے۔ سپریم کورٹ کے جج کے حوالے سے بیہودہ لفظ کا استعمال انتہائی سخت ہے۔ شریف برادران کے خلاف کیس میں نرم ہاتھ رکھنے پر سپریم کورٹ سے گلہ ہے۔ ظفر حجازی کی جان کو سخت خطرہ ہے اسے سکیورٹی میں رکھا جانا چاہیے وہ سلطانی گواہ بن سکتا ہے۔ نجی ٹی وی سے خصوصی گفتگو کرتے ہوئے انہوں نے کہا کہ شریف برادران کو صرف غلام افسر اچھے لگتے ہیں یہ بڑے منقسم مزاج ہیں اور ایسے غلاموں کی خواہش کرتے ہیں ان کے اشارے پر خود کو قربانی کیلئے پیش کر دیں۔ مشاہد اللہ، پرویز رشید، طارق فاطمی اور اب ظفر حجازی سب قربانی کے بکرے بنے۔ ظفر حجازی کیس میں تو بڑا ملزم نواز شریف ہے جس کیلئے ردوبدل کیا جا رہا تھا۔ نیشنل بینک، سٹیٹ بینک جیسا ہی اہم ہے اسے پاکستان کا خزانہ کہا جاتا ہے۔ شریف برادران نے اس کا سربراہ بھی اپنا خاص آدمی لگا رکھا ہے۔ سانحہ ماڈل ٹاﺅن سے بھی شریف برادران خود نکل گئے اور سول پولیس افسروں کو قربانی کا بکرا بنا دیا۔ وزیر اعظم یا کسی وزیراعظم کے پاس اقامہ ہونا گری ہوئی حرکت ہے۔ ہل میٹل کمپنی سے نواز شریف کو خطیر رقم ملتی رہی اگر وہ رقم ڈیکلیئر نہیں کی گئی تو بڑا جرم ہے۔ ثابت ہو گیا کہ مریم نواز اپنے والد کے زیرکفالت تھیں تو نواز کیلئے لازم تھا کہ اس کے اثاثے بھی ڈکلیئر کرتے۔

کراچی (رپورٹ:گل محمد منگی) انتہائی با وثوق ذرائع سے معلوم ہوا ہے کہ پیپلز کے چئرمین بلاول بھٹو کی جانب سے بھٹو شاندان اور 70کلفٹن سے روابط کے بعد ان کے اپنے والد اور پیپلز پارٹی کے شریک چئرمین آصف علی زرداری سے اختلافات پیدا ہو گئے ہیں۔ بتایا جاتا ہے کہ اپنی خالہ صنم بھٹو کے توسط سے بلاول بھٹو زرداری کا ذوالفقار علی بھٹو جونیئر اور فاطمہ بھٹو سے کافی عرصہ سے رابطہ ہے،تاہم آصف علی زرداری کو حال ہی میں اس کا علم ہو ہے، جس کے بعد وہ بیماری کا بتاکر بیرون ملک چلے گئے ہیں۔ ذرائع کے مطابق بلاول بھٹو زرداری کسی کے ساتھ بھی ذاتی رنجش کی مخالفت کرتے ہیں اور وہ سنجیدہ سیاست کرنے کے خواہ ہیں۔ذرائع نے بتایا کہ بلاول بھٹو کا 70کلفٹن سے مسلسل ٹیلیفون پر رابطہ قائم ہے اور وہ پارٹی کو مضبوط کرنے کیلئے فاطمہ بھٹو اور ذوالفقار جونیئر کو اپنے ساتھ ملانے کے حق میں ہیں۔تاہم شادی کے حوالے سے خبریں حقائق کے منافی ہیں۔ذرائع نے بتایا کہ صنم بھٹو کی زرداری خاندان سے ناراضگی کی وجہ ُی پی پی کی حالیہ حکومت میں ان کے والد ذوالفقار علی بھٹو شہید کی کراچی میں واقع قطعہ اراضی کا ٹائیٹل تبدیل کرکے جعلسازی کے ذریعے اس کو فروخت کرنے کا معاملہ ہے۔یہ زمین دراصل صنم بھٹو کے حصے میں آئی تھی،تاہم بلاول بھٹو اس کاسختی سے نوٹس لیا تھا اور بعد ازاں یہ زمین صنم بھٹو واپس مل گئی تھی۔ذرائع نے بتایا کہ 70کلفٹن سے رابطے کے بعد نہ صرف سابق صدر آصف علی زرداری بلکہ پیپلزپارٹی کے کئی رہنما پریشان ہو گئے ہیں اور انہوں نے اس کی شکایت پارٹی کے شریک چئرمین سے بھی کی ہے۔

اسلام آباد (مانیٹرنگ ڈیسک) سابق سیکرٹری الیکشن کمیشن کنور دلشاد کا کہنا ہے کہ وزیراعظم نوازشریف نے سب سے پہلے سپریم کورٹ آف پاکستان کو دھوکا دیا۔ سابق سیکرٹری الیکشن کمیشن کنور دلشاد نے کہا کہ کاغذات نامزدگی کے کالم آٹھ میں اوکیوپیشن کا کالم ہے، جس میں نوازشریف نے اپنے ہاتھ سے پیشہ سیاست اور زراعت لکھا۔ کنوردلشاد نے مزید کہا کہ کیا مسلم لیگ ن پبلک لمیٹیڈ کمپنی ہے یا سیاسی جماعت ہے، اگر نوازشریف کالم میں درست پیشہ لکھتے تو کاغذات نامزدگی مسترد ہوجاتے۔ خواجہ آصف کے حوالے سے کنور دلشاد نے کہا کہ وہ دبئی میں سپروائزر اور پاکستان میں وزیردفاع ہیں۔

کراچی (مانیٹرنگ ڈیسک) کراچی میں قانون نافذ کرنے والے اداروں نے کارروائی کرتے ہوئے بانی ایم کیو ایم کے بھتیجے کو گرفتار کرلیا۔ ظفرحجازی سلطانی گواہ بن سکتاہے، اس کی جان کوخطرہ تحفظ دیاجاناچاہئے ، وزیر اعظم کے پاس اقامہ ہونا اور بیرون ملک ملازمت کرنا شرمناک حرکت ہے: سینیٹر اعتزازاحسن تفصیلات کے مطابق کراچی کے علاقے گلشن اقبال میں قانون نافذ کر نے والے ادارے کے اہلکاروں کی بھاری نفری نے چھاپہ مارکارروائی کے دوران ایم کیو ایم بانی کے بھتیجے کو دھر لیا، ابتدائی تحقیقات کے دوران گرفتار شخص کی شناخت عبدالعزیزکے نام سے ہوئی ہے۔ تاہم اہلکاروں نے زیر حراست عبدالعزیز سے مزید تفتیش کیلئے اسے نامعلوم مقام پر منتقل کردیا ہے۔