بنوں (ویب ڈیسک ) ممبر قومی اسمبلی عائشہ گلالئی کی جانب سے یونین کونسل کا ٹکٹ بیچے جانے کا انکشاف ہوا ہے بلدیاتی انتخابات میں 12لاکھ روپے میں مجھے ٹکٹ دیا گیا حلقہ پی کے 71کے یونین کونسل بیزن خیل سے تعلق رکھنے والے ڈسٹرکٹ کونسلر حلیم خان وزیر ،یوتھ ونگ کے جنرل سیکرٹری سفیان آفغانی ،میر حکیم گل اور دیگر نے بنوں پریس کلب میں پریس کانفرنس سے خطاب کرتے ہوئے کہا ہے کہ مجھے پاکستان تحریک انصاف سے محبت تھی اور میں اپنے یونین کونسل سے ڈسٹرکٹ کونسلرکی نشست پر انتخابات لڑنا چاہتا تھا جس کیلئے میں نے ٹکٹ کا مطالبہ کیا تو عائشہ گلالئی وزیر نے اُن کے والد اپنے پرسنل سیکرٹری اور میرے چند دوستوں کی موجودگی میں مجھے 12لاکھ روپے میں ڈسٹرکٹ کونسل کا ٹکٹ دیا جس کی ہر فورم پر میں گواہی اور ثبوت پیش کر سکتا ہوں انہوں نے کہا کہ عائشہ گلالئی کو پی ٹی آئی اور عمران خان نے ایک مقام دیا کیو نکہ اس سے پہلے انہیں کوئی نہیں جانتا تھا عمران خان نے انہیں مخصوص نشست پر ایم این اے منتخب کرایا لیکن انہوں نے کرپشن کا بازار گرم رکھا تحصیل ڈومیل کیلئے منظور شدہ کالج پی ٹی آئی کے دوسرے ایم پی اے کو بیچا اور دو عدد آبنوشی کے ٹیوب بیلز تحصیل ڈومیل کے نائب ناظم کو بیچے جو کہ کھلی کرپشن اور پارٹی منشور کے ساتھ غداری ہے انہوں نے کہا کہ عائشہ گلالئی نے ہمیں چند ہی دن پہلے بتایا تھا کہ وہ عمران خان سے این اے ون کا ٹکٹ لینے کیلئے ملاقات کرے گی لیکن عمران خان کی طرف سے ٹکٹ نہ ملنے پر انہوں نے عمران خان اور پارٹی پر کیچھڑ اُ چھا لا جبکہ ان حرکات سے ہماری پشتون روایات کو بھی پامال کیا کیونکہ ہماری خواتین انتہائی باپردہ اور پشتون روایات پر عمل پیرا ہیں انہوں نے کہا کہ عائشہ گلالئی نے آئندہ انتخابات کیلئے بھی یہی پلاننگ کی تھی کہ وہ خود این اے ون سے انتخاب لڑیں گی جبکہ بنوں کے قومی اور صوبائی نشستوں کیلئے ٹکٹوں کی تقسیم بھی وہی کریں گے جس کے ذریعے وہ کروڑوں روپے کمائے گی انہوں نے عائشہ گلالئی کو متنبہ کیا کہ وہ آئندہ حلقہ پی کے 71میں اپنی سرگرمیاں جاری رکھنے سے باز رہیں ورنہ ان کے خلاف اقداما ت اُ ٹھائے جائیں گے ۔
