اسلام آباد (مانیٹرنگ ڈیسک، صباح نیوز) سربراہ عوامی مسلم لیگ شیخ رشید نے کہا ہے کہ نوازشریف عوام میں نہیں حمام میں چلے گئے۔ ریلی میں 4سے 10ہزار لوگ تھے نوازشریف پنجاب ہاﺅس میں غصے کا اظہار کرسکتے تھے۔ نجی ٹی وی پروگرام میں گفتگو کرتے ہوئے انہوں نے کہا کہ یہ لوگ پہلے کہتے تھے کہ سپریم کورٹ کا فیصلہ قبول ہے۔ فیصلہ دینے والے 5میں سے 3ججز مستقبل کے چیف جسٹس ہونگے نوازشریف کی سیاست کا 4مہینوں میں دھڑن تختہ ہوگا۔ انہوں نے کہا کہ انہیں اپنے بھائی پر اعتماد نہیں ہے۔ عوامی مسلم لیگ کے سربراہ شیخ رشید احمد نے کہا ہے کہ چوروں کا گروہ ملک پر قابض ہے اور جس دن انہوں نے سچ بولا وہ ان کی سیاست کا آخری دن ہوگا۔شیخ رشید کا کہنا تھا کہ ریلی میں نوازشریف کی تقریر جھوٹ پر مبنی تھی جبکہ یہ لوگ چور دروازے سے مذاکرات بھی کررہے ہیں۔انہوں نے مزید کہا کہ نوازشریف کی ریلی کمزور ترین ریلی تھی انہوں نے ریلی مسترد کرنے پر راولپنڈی کی عوام کو مبارکباد بھی دی۔ان کا کہنا تھا کہ مسلم لیگ ن کی ریلی میں راولپنڈی اور اسلام آباد کے عوام نہیں تھے۔
پانامہ کا فیصلہ سنانے والے 5میں سے 3ججز بارے شیخ رشید کا حیرت انگیز بیان
