شاہدرہ (بیورو رپورٹ) بدکردار مالکہ مکان کے بیٹے کی خاتون سے زیادتی کی کوشش، مزاحمت پر تشدد اور کپڑے پھاڑ دیئے ، خاتون کے چیخ و پکار اور واویلا کرنے پر محلہ داروں نے عزت اور جان بچائی ، تفصیلات کے مطابق علی اور اسکی بیوی دعا نے تھانہ فیکٹری ایریا کے علاقے چٹھہ کالونی میں شہناز نامی عورت سے مکان گروی لیا جب علی اور اسکی بیوی نے وہاں رہائش کرلی تو ان کو پتہ چلا کہ شہناز نے گھر میں قحبہ خانہ کھول رکھا ہے اس لئے یہاں کسی عزت دار فیملی کا رہنا ناممکن ہے تو انہوں نے شہناز سے اپنی رقم طلب کی تاکہ کسی اور جگہ پر رہائش پذیر ہو سکیں لیکن شہنا ز اور شوہر مشتاق نے نے مختلف حیلوں بہانوں سے کام لینا شروع کردیا۔ دوروز قبل جب دعا کا شوہر گھر میں نہیں تھاتو شہناز کا بڑا بیٹا سیف اللہ مکان کی دیوار پھاند کر اند ر داخل ہوگیا اور دعا کے ساتھ زیادتی کی کوشش کرنے لگا ، ملزم نے دعاکی گود میں موجو اس کے 8ماہ کے بچے کو بھی پکڑ کر چارپائی پر پھینک دیا ، دعا نے جب ملزم سے فرار کی کو راہ نہ پائی تو چیخ پکار شروع کردی جس پر اہل محلہ اکٹھے ہوگئے اور گھر میں داخل ہو کردعا کو ملزم کے چنگل سے چھڑایا ۔ تھانہ فیکٹری ایریا پولیس نے دعا کی درخواست پر ملزم کیخلاف مقدمہ درج کر کے تفتیش شروع کردی ہے ، دعا اور اس کے شوہر علی نے میڈیا سے گفتگو کرتے ہوئے کہا کہ ان بد کردار لوگوں نے ہمارے ساتھ سخت زیادتی کی ہے اور ہماری اعلیٰ حکام سے اپیل ہے کہ ان کو گرفتار کرکے سخت سے سخت سزاءدی جائے تاکہ آئندہ یہ کسی شریف شہری کے ساتھ ایساسلوک نہ کر سکیں۔
10طیارے 7کروڑ 28لاکھ میں برائے فروخت
