اسلام آباد :قومی احتساب بیورو(نیب) نے سابق وزیراعظم نوازشریف کا نام ایگزٹ کنٹرول لسٹ (ای سی ایل ) میں ڈالنے کے لیے درخواست دیدی۔ نجی ٹی وی کے مطابق نیب نے عدم پیشی اور بیرون ملک جانے کی اطلاعات پر سابق وزیراعظم کا نام ای سی ایل میں ڈالنے کے لیے وزارت داخلہ کو درخواست بھجوادی ہے جس میں موقف اپنایاگیاکہ سپریم کورٹ کے احکامات کی روشنی میں نوازشریف سے تحقیقات کرنی ہیں اور ان کے بیرون ملک جانے کی اطلاعات ہیں، ان کا نام ای سی ایل میں ڈالا جائے تاکہ عدالتی احکامات کے مطابق قانونی کارروائی کو یقینی بنایاجاسکے ۔
