پراویڈنس (سپورٹس ڈیسک) کیربیئن پریمیئر لیگ، گیانا ایمزون واریئرز نے بارباڈوس ٹرائیڈنٹس کو سنسنی خیز مقابلے کے بعد 4 وکٹوں سے ہرا دیا۔میگا ایونٹ میں اپنی دوسری فتح کیساتھ گیانا نے اپنی پلے آفزمیں رسائی کی امیدیں دوبارہ پیداکرلیں۔بارباڈوس نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 159 رنز بنائے۔ ڈوئن سمتھ نے 70 گیندوں پر 100 رنز کی دلکش اننگز کھیلی جس میں پانچ چھکے شامل تھے۔ سہیل تنویر نے 3 وکٹیں حاصل کیں۔ جواب میں گیانا نے ہدف چاڈوک والٹن کی طوفانی بیٹنگ کی بدولت 19.1 اوورز میں 6 وکٹوں کے نقصان پر حاصل کر لیا۔ والٹن نے 57 گیندوں پر چھ چھکوں کی مدد سے 92 رنز بنائے۔ کیرن پولارڈ نے چار کھلاڑیوں کو آﺅٹ کیا۔ والٹن کو میچ کا بہترین پلیئر قرار دیا گیا۔کیربیئن پریمیئر لیگ میں (آج) منگل کو واحد میچ سینٹ کٹس میں کھیلا جائیگا۔ کیربیئن پریمیئر لیگ میں کانٹے دار مقابلوں کا سلسلہ جاری ہے۔ کیربیئنپریمیئر لیگ میں آج کے واحد میچ میں گیانا ایمزون واریئرز اور سینٹ لوشیا سٹارز کی ٹیمیں آمنے سامنے ہوں گی۔ لیگ کا 22 واں میچ (کل) بدھ کو سینٹ کٹس اینڈ نیوس پیٹریاٹس اور ٹرینباگو نائٹ رائیڈرز کے درمیان سینٹ کٹس کے مقام پر کھیلا جائے گا۔
