لاہور( ویب ڈیسک )حلقہ این اے 120کے ضمنی انتخاب میں انتقال کر جانے والے شخص کا ووٹ بھی کاسٹ ہو گیا۔ نجی ٹی وی کے مطابق کسی شخص نے یونین کونسل 59چوہدری پارک بلال گنج کے رہائشی سید شریف اللہ جوانتقال کر چکا ہے اس کے ووٹ کی پرچی بنوا ئی۔جب ایک دوسرا شخص وہاں ووٹ کاسٹ کرنے کیلئے آیا تو اس نے فہرست میں نام دیکھ کر انکشاف کیا کہ سید شریف اللہ نامی شخص تو انتقال کر چکا ہے اور ا س کے ووٹ کی پرچی کیسے بن گئی۔اس شخص نے انتقال کر جانے والے شخص کا ڈیتھ سرٹیفکیٹ بھی لا کر دکھا دیا۔ نجی ٹی وی کے مطابق پرچی بنوانے والے شخص کی شناخت نہیں ہو سکی۔
این اے 120میں پولنگ کے دوران مردے بھی ووٹ ڈالنے پہنچ گئے ، شہری ہکا بکا
