آملہ نے گریم سمتھ کی زیادہ سنچریوں کا ریکارڈتوڑ دیا

بلوم فونٹین (اے پی پی) ہاشم آملہ نے بنگلہ دیش کےخلاف دوسرے اور آخری کرکٹ ٹیسٹ میچ کی پہلی اننگز میں شاندار سنچری داغ دی، یہ ان کے کیریئر کی 28 ویں سنچری ہے، اس کے ساتھ ہی وہ گریم سمتھ کی زیادہ سنچریوں کا ریکارڈ توڑ کر مائیکل کلارک کے ہم پلہ ہو گئے۔، آملہ زیادہ ٹیسٹ سنچریاں بنانے والے جنوبی افریقہ کے دوسرے اور مشترکہ طور پر دنیا کے 15 ویں بلے باز ہیں۔ جنوبی افریقہ کی طرف سے کیلس 45 سنچریاں بنا کر سرفہرست ہیں جبکہ ٹیسٹ کی تاریخ میں زیادہ سنچریاں بنانے کا عالمی اعزاز سچن ٹنڈولکر کو حاصل ہے جنہوں نے 51 سنچریاں بنا رکھی ہیں۔ بلوم فونٹین میں جاری دوسرے ٹیسٹ کی پہلی اننگز میں آملہ نے ڈٹ کر بنگال ٹائیگرز کے باﺅلرز کا مقابلہ کیا اور سنچری کی سکور کی، یہ ان کی رواں سیریز میں دوسری جبکہ کیریئر کی 28ویں سنچری ہے، اسطرح وہ زیادہ سنچریاں بنانے والے جنوبی افریقہ کے دوسرے بلے باز بن گئے ہیں، انہوں نے گریم سمتھ کی زیادہ سنچریوں کا ریکارڈ توڑ دیا جنہوں نے 27 سنچریاں بنا رکھی تھیں۔