پی ایس ایل :ویسٹ انڈین کرکٹرزکی انٹری خطرے میں

لاہور (آن لائن) پاکستان سپر لیگ(پی ایس ایل ) کے تیسرے ایڈیشن میں ویسٹ انڈین کھلاڑیوں کی شمولیت خطرے سے دوچار ہوگئی ہے ۔ تفصیلات کے مطابق پاکستان سپر لیگ کے پہلے دو ایڈیشنز میں ویسٹ انڈیز کے کرس گیل ، ڈوین براوو،سنیل نارائن،سیمیول بدری،آندرے رسل اور مارلن سیمیولز سمیت کئی اور کھلاڑیوں نے اپنی صلاحیتوں کے جوہر دکھائے تھے تاہم اب پاکستان سپر لیگ کے تیسرے ایڈیشن میں ان کی شرکت مشکوک نظر آرہی ہے کیوں کہ 2بار کی عالمی چیمپئن ورلڈ کپ 2019 کے لیے براہ راست کوالیفائی کرنے میں ناکام رہی ہے اور ورلڈ کپ کوالیفائنگ رانڈ بھی انہی تاریخوں میں کھیلا جائے گا جن میں پی ایس ایل کے تیسرے ایڈیشن کے میچز ہوں گے جس کے باعث ان کھلاڑیوں کو پی ایس ایل اور قومی ٹیم میں کسی ایک کا انتخاب کرنا پڑے گا ۔