سابقی بیوی نے جائیداد ہتھیانے کیلئے دوسرے شوہر کی بیٹی کو پہلے کی قرار دیدیا

خانیوال (رپورٹ :عبداللطیف انور ) سابقہ بیوی اور اس کے بھائی جعلسازی کرکے زرعی رقبہ ہتھیانا چاہتے ہیں ،سابقہ بیوی کی ارشاد کے ساتھ ناجائز تعلقات ہیں جس کے باعث دونوں میں کئی سال قبل علیحدگی ہوگئی ،دوران آبادی میری بیوی کوکوئی حمل نہ نہیں ہوا جبکہ بعدمیں بیٹی پیدا ہوئی تو ولدیت میں میری جائیداد ہتھیانے کی خاطر میرا نام لکھوا دیا اور میرے خلاف شیطانی منصوبہ بندی شروع کردی میں نے آج تک پیدا ہونے والی لڑکی کی شکل تک نہیں دیکھی ،امام مسجد چک نمبر46 دس آر شفیع نے لڑکی کا نکاح پڑھایا تو غیر قانونی طور پر والد کی تصدیق کئے بغیر ہی نکاح نامہ میں مبینہ طور پر میری ولدیت درج کردی ،سابقہ بیوی کا چچا منظور حسین آئے روز گھر میں آکر دھمکیاں دیتا ہے راستے میں روک لیتا ہے خوف کے باعث گھر میں محبوس ہوکر رہ گئے متاثرہ بھائیوں نے روزنامہ ”خبریں “ کے چیف ایڈیٹر ضیاءشاہد اور ان کی ٹیم سے انصاف فراہم کروانے کا مطالبہ کیا ہے ۔ خانیوال کے نواحی علاقہ چک نمبر45 دس آر رہائشی ربنواز نے اپنے بھائی حق نواز کے ہمراہ خبریں ہیلپ لائن میں تفصیل بتاتے ہوئے کہاکہ اس کی سابقہ بیوی ع کو دوران آبادی نہ تو کوئی حمل ہوا اور نہ ہی کوئی اولاد ہوئی اس دوران ہماری ناچاقی ہوگئی اور وہ اپنے والدین کے گھر چلی گئی اس دوران میں نے طلاق دیدی لیکن کچھ عرصہ قبل ع کو بیٹی پیداہوئی تو اس نے سارے گاﺅں میں یہ بات پھیلادی کہ یہ رب نواز کی بیٹی ہے جبکہ میں نے آج تک لڑکی کی شکل تک نہیں دیکھی جبکہ میری سابقہ بیوی کے چک نمبر46 دس آر کے رہائشی ارشاد ولد سلطان کے ساتھ ناجائز تعلقات تھے جس کی وجہ سے بیٹی کی پیدائش ہوئی تو میرے سسرال والوں نے ایک شیطانی منصوبہ بنایا اور اس لڑکی کو میری ولدیت دے کر میری سابقہ بیوی اور اس کے بھائی خادم ،ریاض ،ممتاز ،جعفر پسران خان وغیرہ میرا زرعی رقبہ ہتھیانے کی کوششوں میں لگ گئے ۔ملزمان علاقہ کے انتہائی بااثر لوگ ہیں جبکہ میری سابقہ بیوی کا چچا منظور حسین ہمیں گھر میں آکر قتل سمیت سنگین نتائج کی دھمکیاں دیتا ہے اور راستے میں جاتے ہوئے روک لیتا جس کے باعث ہم اپنے گھرمیں محبوس ہوکر کرہ گئے ہیں ۔رب نواز نے مزید بتایا کہ میں اس بات کا حلف دینے کو بھی تیار ہوں کے عزیز بی بی کے بدن سے میری کوئی اولاد نہیں ہے اور نہ ہی جس لڑکی کی ولدیت میں میرا نام درج ہے وہ میری بیٹی ہے اس کے باوجود امام مسجد چک نمبر46 دس آر شفیع نے مبینہ طور پر بھاری رشوت لے کر نکاح نامہ میں بغیر کسی تصدیق کے ولدیت کے خانے میں میرا نام درج کردیا ہے اب ملزمان آئے روز مجھے اور میرے بھائی کو سنگین نتائج کی دھمکیاں دینے کے ساتھ ساتھ ہمیں خاموش نہ رہنے پر بھی قتل کرنے کی دھمکیاں دے رہے ہیں۔ متاثرہ رب نواز اور اس کے بھائی حق نواز نے روزنامہ ” خبریں“ اور چیف ایڈیٹر ضیاءشاہد کی وساطت سے وزیر اعلیٰ پنجاب میاں شہباز شریف ، آئی جی پنجاب ، آر پی او ملتان اور ڈی پی ا و خانیوال سے انصاف اور ملزمان سے تحفظ فراہم کرنے کا مطالبہ کیا ہے ۔