بغیر ثبوت ایشیز کو بد نام کر نا فضول ہو گا،اکرم رضا

لاہور(مانیٹرنگ ڈیسک) سابق ٹیسٹ کرکٹر اکرم رضا نے کہاہے کہ ایشز سیریز میں ابھی تک کوئی بے ضابطگی نہیں ہوئی البتہ یہ خبر ضرو رہے کہ اس کو فکس کرنے کی کوشش کی گئی ہے جب تک ایسا کوئی معاملہ ہو نہ جائے بات کرنا فضول ہے آئی سی سی نے بھی اس الزام کو ماننے سے انکار کر دیا ہے۔چینل فائیو کے پروگرام گگلی میں گفتگو کرتے ہوئے انہوں نے کہا کہ اگر کوئی چیز ثبوت کے ساتھ آئے تو اس پر کارروائی کی ضرورت ہوتی ہے۔کرکٹ کمنٹیٹر راجہ اسد خان نے کہا ہے کہ آئی سی سی نے اگر کسی الزام کو ماننے سے انکار کیاہے تو یقینا اس نے سارے معاملے کی جانچ پڑتال کی ہو گی ویسے انگلینڈ میں اخبارات میں ایسی خبریں نہیں لگتی جن کے ذرائع معتبر نہ ہوں لیکن ہو سکتاہے کسی چھوٹے موٹے اخبار میں خبر چھپ گئی ہو۔انہوں نے کہا کہ ٹی 10کرکٹ کا پاکستان کو فائدہ ہونا چاہئے اس قسم کے میچز میں کوئی حرج نہیں۔