نیویارک (شوبزڈےسک)ایکشن ہیرو ٹام کروز کی آنے والی فلم’ ’مشن امپاسیبل فال آو¿ٹ“ کا پہلا ٹریلر جاری کردیا گیا، جس میں اداکار کو کئی خطرناک ایکشن مناظر میں دیکھا جاسکتا ہے۔خیال رہے کہ ’مشن امپاسیبل فال آو¿ٹ‘ سیریز کی چھٹی فلم ہے، پہلی بار اس فلم کو تھری ڈی میں بھی پیش کیا جائے گا۔سیریز کی پہلی فلم مشن امپاسیبل کے نام سے 1996 میں آئی تھی، دوسری چار سال بعد سال 2000، تیسری 2006، چوتھی 2011 اور پانچویں فلم 2015 میں ریلیز کی گئی تھی۔اب اسی سیریز کی چھٹی فلم کو جولائی 2018 میں ریلیز کیا جائے گا۔2 منٹ 30 سیکنڈ دورانیے کے ٹریلر میں ٹام کروز کو اپنا مشن مکمل کرنے کے دوران خطرناک اور جرائم پیشہ افراد سے الجھتے ہوئے دکھایا گیا ہے۔اس فلم میں بھی ٹام کروز برطانوی خفیہ ایجنسی ایم آئی 6 کے اہلکار کے روپ میں نظر آئیں گے۔، بلکہ وہ اس کے شریک پروڈیوسر بھی ہیں۔فلم کی دیگر گاسٹ میں رابیکا فرگوسن، سائمن پیگ، مائیکل موناگن، ہینری کیول اور الیک بیلڈون سمیت دیگر اداکار شامل ہیں۔خیال رہے کہ اسی فلم کی شوٹنگ کے دوران خطرناک اسٹنٹ کرتے ہوئے ٹام کروز گزشتہ برس اگست میں زخمی بھی ہوگئے تھے۔اداکار کی جانب سے اگست 2017 میں برطانیہ میں اسٹنٹ کرتے وقت کی لیک ہونے والی ویڈیو میں دکھایا گیا تھا کہ وہ ایک سے دوسری عمارت تک پہنچنے کے لیے جمپ لگاتے ہوئے ناکام ہوگئے۔ویڈیو میں دکھایا گیا تھا کہ ٹام کروز ایک سے دوسری عمارت پر پہنچ تو گئے لیکن وہ اپنا توازن برقرار نہ رکھ سکے، اور نیچے گر گئے۔ٹام کروز کے زخمی ہونے کے بعد 3 ماہ تک فلم کی شوٹنگ منسوخ کردی گئی تھی، جس کے بعد اکتوبر 2017 میں ان کے ٹھیک ہونے کے بعد فلم کی شوٹنگ شروع کی گئی۔ان دنوں فلم تکمیل کے آخری مراحل میں ہے، جسے مکمل کرنے کے بعد اسے جولائی میں ریلیز کیا جائے گا۔
