کا مطالبہ تسلیمICCI پلاسٹک بیگز کے معاملے پر تاجروں کو فوری ریلیفپ

اسلام آباد(نامہ نگار خصوصی) اسلام آباد چیمبر آف کامرس اینڈ انڈسٹری (آئی سی سی آئی) کے صدر محمد ذکریا اکبر ضیا، سینئر نائب صدر محمد اشفاق حسین چٹھہ، نائب صدر محمد وقاص خان اور سابق صدر سردار طاہر محمود نے وزیر مملکت برائے داخلہ طلال چوہدری سے ملاقات کی اور پلاسٹک بیگز کے استعمال کے الزام میں تاجروں کی گرفتاریوں پر چیمبرکی شدید تشویش سے آگاہ کیا۔ انہوں نے گرفتاریوں کو کاروباری برادری کے لیے ناقابل قبول اقدام قرار دیتے ہوئے مطالبہ کیا کہ تاجروں کی گرفتاریاں فوری طور پر روکی جائیں اور پالیسی پر عملدرآمد کے لیے گرفتاریوں کے بجائے متوازن اور آگاہی پر مبنی طریقہ کار اختیار کیا جائے۔وزیر مملکت برائے داخلہ طلال چوہدری نے کاروباری برادری کے تحفظات کو تحمل سے سنا اور متعلقہ حکام کو ہدایت کی کہ تاجروں کی گرفتاریاں فالفور روک دی جائیں۔ انہوں نے آئی سی سی آئی وفد کو یقین دلایا کہ متعلقہ ضوابط کے بارے میں تاجروں اور عوام میں آگاہی پیدا کرنے کے لیے خصوصی مہم شروع کی جائے گی تاکہ تعاون اور آگاہی کے ذریعے پالیسی پر مثر عملدرآمد یقینی بنایا جا سکے۔ملاقات میں یہ بھی اتفاق کیا گیا کہ حکومتی پالیسی کے مطابق دودھ، دہی اور گوشت سمیت ضروری اشیائے خورونوش کے لیے پلاسٹک بیگز کے استعمال کی اجازت ہوگی۔ آئی سی سی آئی قیادت نے وزیر مملکت کے مثبت ردعمل کو سراہتے ہوئے اس امر پر زور دیا کہ ماحولیاتی تحفظ کے مثر اقدامات مشاورت، آگاہی اور سہولت کاری کے ذریعے نافذ کیے جائیں، جبکہ تاجروں کی جائز کاروباری سرگرمیوں کا تحفظ اور انہیں غیر ضروری مشکلات سے بچانا بھی یقینی بنایا جائے۔آئی سی سی آئی کے وفد میں ایگزیکٹو ممبران عمر حسین ملک، شعیب ظفر اور اسلام آباد انڈسٹریل ایسوسی ایشن کے صدر محمد اویس خٹک بھی شامل تھے۔