ممبئی (شوبز ڈیسک) بالی وڈ اداکار سلمان خان اور سوناکشی سنہا فلم ”ویلکم ٹو دا نیویارک“ میں سپیشل گانے میں اکھٹے دکھائی دیں گے۔ بھارتی میڈیا کے مطابق اداکار سلمان خان اور سوناکشی سنہا فلم ”ویلکم ٹو دا نیویارک“ کے سپیشل گانے میں اکھٹے دکھائی دیں گے، رومانوی گانے کی عکسبندی نیویارک میں کی گئی۔ فلم میں اداکارہ سوناکشی سنہا، دلجیت دوسنج اور کرن جوہر مرکزی کردار ادا کر رہے ہیں۔ فلم میں اداکار کرن جوہر منفی اور مثبت کردار میں دکھائی دیں گے جبکہ فلم میں سلمان خان کے ساتھ سوشانت سنگھ راجپور، لارا دتا، رتیش دیش مکھ اور بومن ایرانی بھی کیمیو رول میں دکھائی دیں گے۔ فلم آئندہ سال 23 فروری کو ریلیزکی جائے گی۔
