ثناءبچہ کی ڈیرن سیمی کیساتھ تصاویر پر ہنگامہ

دبئی(خصوصی رپورٹ)پاکستان سپر لیگ (پی ایس ایل) کی دفاعی چیمپئن پشاور زلمی کے کپتان ڈیرین سیمی ہر دلعزیز ہیں اور پاکستان میں سپرسٹار کا درج رکھتے ہیں۔ ہر کوئی چاہتا ہے کہ ان سے ملاقات کرے اور ایک تصویر بنوائے تاکہ ملاقات کے یہ یادگار لمحات ہمیشہ کیلئے کیمرے کی آنکھ میں قید ہو جائیں۔پشاور زلمی کی گڈ ول برینڈ ایمبیسڈر ثنابچہ کی بھی ڈیرین سیمی سے ملاقات ہوئی تو انہوں نے ایک تصویر بنوانے کا فیصلہ کیا لیکن جب یہ تصویر سوشل میڈیا پر آئی تو صارفین غصے سے آگ بگولہ ہو گئے اور ثنابچہ کو آڑے ہاتھوں لینے کے علاوہ ڈیرین سیمی کو بھی تنقید کا نشانہ بنا ڈالا۔یہ تصویر سامنے آئی تو صارفین نے ثنابچہ کو کڑی تنقید کا نشانہ بنایا اور کہا کہ ڈیرین سیمی ایک غیر مسلم ہے اور وہ مسلمان ہیں۔ انہیں تصویر بنواتے وقت فاصلہ اور اپنی ثقافت کا خیال رکھنا چاہئے۔محمد فہد قریشی نے لکھا یہ خاتون بھول گئی ہے کہ یہ مسلمان ہے۔ دیکھو یہ کیسے ایک غیر مسلم کیساتھ کھڑی تھی ۔