ممبئی(شوبز ڈیسک)پاکستانی اداکاروں و گلوکاروں کی خدمات حاصل کرنا بالی وڈ کی مجبوری بن چکی ہے۔ ایکشن ہیرو اجے دیوگن بھی کود پڑے ہیں اور انہوں نے قدرے تنگ نظر بیان دیا ہے۔اجے دیوگن نے استاد نصرت فتح علی خان کو سب کا ورثہ قرار دیتے ہوئے انہیں خالصتا پاکستانی ماننے سے انکار کیا۔بھارتی میڈیا کے مطابق اجے دیوگن کا کہنا ہے کہ جب بات استاد نصرت فتح علی خان کی ہوتی ہے تو وہ انہیں ایک منفرد نظریے سے دیکھتے ہیں۔اجے دیوگن کے مطابق استاد نصرت فتح علی خان اب اس دنیا میں نہیں رہے، اس لیے وہ انہیں پاکستان اور ہندوستان کے نظریے سے ہٹ کردیکھتے اور سوچتے ہیں۔واضح رہے کہ اجے دیوگن کی حال ہی میں ریلیز ہونے والی فلم ریڈ میں بھی نصرت فتح علی خان کے گانے نت خیر منگداں اور سانوں ایک پل چین نہ آوے شامل ہیں۔
، جو راحت فتح علی خان نے گایا ہے۔
