ورلڈکپ وارم اپ میں سپین،سوئٹزرلینڈکامیچ برابر

لیورپول(آئی این پی) فیفا ورلڈ کپ سے قبل دوستانہ میچزکا سلسلہ جاری ہے، 5مرتبہ کی عالمی چیمپئن برازیل نے کروشیا کو 0-2سے شکست دےدی جبکہ اسپین اورسوئٹزرلینڈ کے درمیان مقابلہ 1-1 گول سے برابررہا۔ورلڈ کپ کی تیاری کیلئے ویاریال میں کھیلے گئے وارم اپ میچ میں اسپین اورسوئٹزرلینڈ کا مقابلہ ایک ایک گول سے برابررہا۔ اسپین نے 29ویں منٹ میں الوارواڈریوزولا کے گول کی بدولت برتری حاصل کی تاہم دوسرے ہاف میں سوئٹزر لینڈ نے گیند کوجال میں پہنچا کرمقابلہ برابر کردیا ۔سوئس ٹیم کی جانب سے یہ گول ریکارڈوروڈریگازنے سکورکیا لیورپول کے این فیلڈ اسٹیڈیم پرکھیلے گئے میچ میں کروشیا کوپہلے ہاف میں برازیل کیخلاف گول کرنے کے مواقع ملے تاہم اس سے فائدہ نہ اٹھایا جاسکتا، نیمارنے69ویں منٹ میں گول کرکے برازیل کوسبقت دلادی،انجری ٹائم میں فرمینو نے دوسرا گول کرکے برازیل کی فتح یقینی بنادی۔