سڈنی( ویب ڈیسک ) یہ پرانے وقتوں کی بات ہے کہ لوگ سادگی سے شادیاں کرلیا کرتے تھے مگر آج کے دور میں تو دلہن کا عروسی لباس ہی اتنا مہنگا تیار ہوتا ہے کہ سن کر انسان دنگ رہ جاتا ہے۔ اور یہ تو عام شادیوں کی بات ہے، اگر سلیبرٹی شادیوں کی بات کی جائے تو دلہن کا عروسی لباس یقینا ہوش ا±ڑادینے کی حد تک مہنگا ہوتا ہے۔ آسٹریلوی گلوکارہ وکٹوریا سوارووسکی کے عروسی جوڑے کو ہی دیکھ لیجئے، اس کی قیمت 10 لاکھ ڈالر (تقریباً ساڑھے گیارہ کروڑ پاکستانی روپے) ہے کیونکہ اس پر پانچ لاکھ سے زائد قیمتی موتی جڑے گئے ہیں۔اسی طرح مشہور امریکی رئیلٹی سٹار کم کارڈاشین کی شادی کا جوڑا بھی کچھ کم نہیں تھا۔ اس کی قیمت پانچ لاکھ ڈالر (تقریباً پانچ کروڑ پاکستانی روپے) تھی۔ انہوں نے اس لباس کے ساتھ 40 ہزار ڈالر (تقریباً 40لاکھ پاکستانی روپے) کا بالمین ہیلز جوتا بھی پہنا تھا۔برطانوی شہزادی کیٹ میڈلٹن کا عروسی جوڑا بھی مہنگے ترین ملبوسات کی فہرست میں شامل ہے۔ عالمی شہرت یافتہ فیشن ڈیزائنر سارہ برٹن نے ان کے لئے چار لاکھ ڈالر (تقریباً 4 کروڑ پاکستانی روپے) مالیت کا عروسی جوڑا تیار کیا تھا۔مشہور امریکی وکیل اور فیشن کی دنیا کی مقبول ترین سلیبرٹری امل علم الدین کی شادی کا جوڑا تین لاکھ 80 ہزار ڈالر ( تقریباً 4 کروڑ پاکستانی روپے) میں مشہور فیشن ڈیزائنر الیگزینڈر میک کوئین اور سارہ برٹن نے تیار کیا تھا۔گلوکارہ ماریہ کیری نے بھی اپنی شادی کیلئے اڑھائی لاکھ ڈالر (تقریباً تین کروڑ پاکستانی روپے) کا عروسی جوڑا تیار کروایا تھا لیکن بدقسمتی سے ان کی شادی منسوخ ہوگئی۔ بعدازاں انہوں نے دکھ کے اظہار کے لئے اپنے قیمتی جوڑے کو آگ میں جلا کر بھسم کرڈالا اور اس کی ویڈیو بھی سوشل میڈیا پر پوسٹ کی۔
