برسبین (اے پی پی) آسٹریلیا ویمن نے نیوزی لینڈ ویمن کو دوسرے ٹی ٹونٹی انٹرنیشنل کرکٹ میچ میں 6 وکٹوں سے شکست دے کر تین میچوں کی سیریز میں 2-0 کی فیصلہ کن برتری حاصل کر لی، فاتح ٹیم نے 146 رنز کا ہدف 18.5 اوورز میں 4 وکٹوں پر حاصل کیا، الیسا ہیلی 57 رنز بنا کر نمایاں رہیں جبکہ ویلانی 50 رنز بنا کر ناقابل شکست رہیں، سوزی بیٹس کی 77 رنز کی اننگز رائیگاں گئی، میگن سکٹ نے 3 کھلاڑیوں کو آﺅٹ کیا اور میچ کی بہترین کھلاڑی قرار پائیں۔ پیر کو برسبین میں کھیلے گئے دوسرے ٹی ٹونٹی میچ میں نیوزی لینڈ ویمن نے پہلے کھیلتے ہوئے مقررہ اوورز میں 8 وکٹوں پر 145 رنز بنائے، سوزی بیٹس 77 رنز کے ساتھ ٹاپ سکورر رہیں، کپتان ایمی سیٹرتھویٹ 27 رنز بنا کر آﺅٹ ہوئیں، میگن سکٹ نے 3 کھلاڑیوں کو آﺅٹ کیا، جواب میں آسٹریلیا ویمن نے مطلوبہ ہدف 19ویں اوور میں 4 وکٹوں پر پورا کیا۔، الیسا ہیلی 57 رنز بنا کر آﺅٹ ہوئیں تو ویلانی نے 50 رنز کی ناقابل شکست اننگز کھیل کر ٹیم کو فتح دلائی۔
